ରାଜ୍ୟର ଉଦବେଗଜନକ ରହିଛି ଆତ୍ମହତ୍ୟା ହାର, ପ୍ରତିଦିନ ପ୍ରାଣ ହରାଉଛନ୍ତି 15 ଜଣ

ଭୁବନେଶ୍ୱର: ବର୍ତ୍ତମାନ ସରା ବିଶ୍ୟରେ ଆତ୍ମହତ୍ୟା ସଂଖ୍ୟା ବଢିବାରେ ଲାଗିଛି । ଏ ଦିଗରେ ସଚେତନ ସୃଷ୍ଟି କରିବାକୁ ଆଜି ପାଳନ ହେଉଛି ବିଶ୍ୱ ଆତ୍ମହତ୍ୟା ନିବାରଣ ଦିବସ । କିନ୍ତୁ ଆମ ଦେଶ ଓ ରାଜ୍ୟର ଆତ୍ମହତ୍ୟା ହାର ଉଦବେଗଜନକ ରହିଛି । ସାରା ଦେଶରେ ଆତ୍ମହତ୍ୟା ହାର 12 ପ୍ରତିଶତ ରହିଛି । ଜାତୀୟ ହାରକୁ ଟପିଛି ଓଡିଶାର ଆତ୍ମହତ୍ୟା ହାର । ଓଡିଶାରେ ଆତ୍ମହତ୍ୟା ହାର ରହିଛି 12.3 ପ୍ରତିଶତ ।

ଯୁବବର୍ଗଙ୍କ ମଧ୍ୟରେ ଆତ୍ମହତ୍ୟା ହାର ବୃଦ୍ଧି ପାଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନର ସର୍ବେକ୍ଷଣ ଅନୁସାରେ ସାରା ବିଶ୍ୱରେ ପ୍ରତିବର୍ଷ ଦଶଲକ୍ଷ ଲୋକ ଆତ୍ମହତ୍ୟା କରୁଛନ୍ତି । ଅର୍ଥାତ ପ୍ରତି 40 ସେକେଣ୍ଡରେ ଜଣେ ବ୍ୟକ୍ତି ଆତ୍ମହତ୍ୟା କରି ପ୍ରାଣ ହରାଉଥିବାବେଳେ ପ୍ରତି 3 ସେକେଣ୍ଡରେ ଜଣେ ବ୍ୟକ୍ତି ଆତ୍ମହତ୍ୟା ଉଦ୍ୟମ କରୁଛନ୍ତି ।

NCRBର ସର୍ବଶେଷ ତଥ୍ୟ ଅନୁସାରେ 2021 ରେ ଭାରତରେ 1 ଲକ୍ଷ 64 ହଜାର ଲୋକ ଆତ୍ମହତ୍ୟା କରି ପ୍ରାଣ ହରାଇଛନ୍ତି । ତା'ମଧ୍ୟରେ ଜାତୀୟ ହାର ଠାରୁ ଓଡ଼ିଶାରେ ଆତ୍ମହତ୍ୟା ହାର ଅଧିକ ରହୁଛି । ଓଡ଼ିଶାରେ 5 ହଜାର 651 ଜଣ ଲୋକ ଆତ୍ମହତ୍ୟା କରିପ୍ରାଣ ହରାଇଛନ୍ତି । ଏଥିରେ ରହିଛନ୍ତି 4 ହଜାର 412 ପୁରୁଷ ଓ 1239 ମହିଳା । ଅର୍ଥାତ ରାଜ୍ୟରେ ପ୍ରତିଦିନ ହାରାହାରି 15 ଜଣ ଲୋକ ଆତ୍ମହତ୍ୟା କରୁଛନ୍ତି

ସାରା ଦେଶରେ ଆତ୍ମହତ୍ୟା କରୁଥିବା ଲୋକଙ୍କ ମଧ୍ୟରେ 3.4 % ଲୋକ ହେଉଛନ୍ତି ଓଡ଼ିଶାର । ପୂର୍ବ ବର୍ଷ ତୁଳନାରେ 2021 ରେ ଓଡ଼ିଶାରେ ଆତ୍ମହତ୍ୟା ସଂଖ୍ୟା ଦୁଇ ପ୍ରତିଶତ ବୃଦ୍ଧି ପାଇଛି । ପାରିବାରିକ କଳହ ଯୋଗୁଁ ଓଡ଼ିଶାରେ ସର୍ବାଧିକ ଆତ୍ମହତ୍ୟା ମାମଲା ସାମ୍ନାକୁ ଆସିଛି । ପାରିବାରିକ କଳହ ଯୋଗୁଁ ରାଜ୍ୟରେ 71% ଲୋକ ଆତ୍ମହତ୍ୟା କରୁଛନ୍ତି ।
ଅପରପକ୍ଷରେ ଚଳିତ ବର୍ଷ ଆତ୍ମହତ୍ୟା ନିବାରଣ ଦିବସର ରହିଛି କ୍ରିଏଟିଂ ହୋପ୍, ଥ୍ରୋ ଆକ୍ସନ' ।

English summary

Suicide Case Increasing In odisha, 15 Suicide Death Every Day