କଟକରେ ବାଘ ଛାଲ ଡିଲ୍, 7 ଗିରଫ... ଏବେ ବି 6 ଜଣ ଗିରଫ

କଟକ: କଟକରେ ଧରା ପଡ଼ିଲା ବାଘ ଛାଲ ଡିଲ୍ । ନେତାଜୀ ବ୍ରିଜ୍ ପାଖରେ ବାଘ ଛାଲ ଡିଲ୍ ବେଳେ ମାଡ଼ି ବସିଛି ପୋଲିସ୍ । ଏହି ଘଟଣାରେ 7 ଅଭିଯୁକ୍ତଙ୍କୁ ଗିରଫ କରାଯାଇଛି । ଗଜପତି ଜିଲ୍ଲାରୁ 5 ଜଣଙ୍କୁ ଗିରଫ କରାଯାଇଥିବା ବେଳେ ଗଞ୍ଜାମ ଜିଲ୍ଲାରୁ 2 ଜଣ ଗିରଫ ହୋଇଛନ୍ତି । ଏବେ ବି 6ଜଣ ଅଭିଯୁକ୍ତ ଫେରାର ଅଛନ୍ତି । ସେମାନଙ୍କୁ ଧରିବା ପାଇଁ ଯୋଜନା କରୁଛି ପୋଲିସ ।

ଏହି ଘଟଣାର ତଦନ୍ତ କରିଥିଲେ ଜଏଣ୍ଟ ଟାକ୍ସ ଫୋର୍ସ । ଗ୍ରାହକ ହୋଇ ଦୁଇ ଅଭିଯୁକ୍ତଙ୍କୁ ଯୋଗାଯୋଗ କରିଥିଲେ ତଦନ୍ତକାରୀ ଅଧିକାରୀ । ପ୍ରଥମେ ଦୁଇ ଅଭିଯୁକ୍ତ ଧରା ପଡିବା ପରେ ବ୍ୟାଗ ଭିତରକୁ ବାଘ ଛାଲ ମିଳିବା ସହ ଜଣେ ପରେ ଜଣେ ଅଭିଯୁକ୍ତି ଧରାପଡିଛନ୍ତି । ଗଜପତି ଜିଲ୍ଲାରୁ 5 ଜଣଙ୍କୁ ଗିରଫ କରାଯାଇଥିବା ବେଳେ ଗଞ୍ଜାମ ଜିଲ୍ଲା 2 ଜଣ ଗିରଫ ହୋଇଛନ୍ତି ।

2019 ରେ ବ୍ରହ୍ମପୁର ବରିହାକଟା ଜଙ୍ଗଲରେ ଫାସ ବସାଇ ବାଘକୁ ଶିକାର କରାଯାଇଥିଲା । ଗଜପତି ଜିଲ୍ଲାର ମୋହନା ଥାନା ଅଂଚଳର ଅଭିଯୁକ୍ତ 3 ବର୍ଷ ଧରି ବାଘଛାଲକୁ ଶୁଖାଇ ରଖିଥିଲେ । ଏହାକୁ ବିକ୍ରି କରିବା ପାଇଁ 4ଟି ଜିଲ୍ଲାରେ ମାଫିଆଙ୍କ ସହ ଅଭିଯୁକ୍ତ ଯୋଗାଯୋଗ କରିଥିବା ପିସିସିଏଫ୍ ସୂଚନା ଦେଇଛନ୍ତି ।

କେବଳ ଏତିକି ନୁହେଁ ବାଘ ଛାଲ ସହ ନଖ ମଧ୍ୟ ବିକ୍ରି କରାଯାଇଥିଲା । ସେହି ନଖକୁ କିଣିଥିବା ଜଣେ ଅଭିଯୁକ୍ତ ନିଜ ଘର ଲୋକଙ୍କୁ ନଖରେ ତିଆରି ଗହଣା ଉପହାରରେ ଦେଇଥିଲା । ଯାହାକୁ ଜବତ କରିଛି ବନ ବିଭାଗ । ଏହାକୁ ବିକ୍ରି କରିବା ପାଇଁ 4ଟି ଜିଲ୍ଲାରେ ମାଫିଆଙ୍କ ସହ ଅଭିଯୁକ୍ତ ଯୋଗାଯୋଗ କରିଥିବା ସୂଚନା ଦେଇଛନ୍ତି ଡିଏଫ୍ଓ ଅଜିତ ଶତପଥୀ ।

English summary

Seven Arrested during tiger skin deal in cuttack