ବଦଳିଲା ସ୍କୁଲ୍ ସମୟ, ସକାଳୁଆ ହେବ ସ୍କୁଲ୍

ବଦଳିଲା ସ୍କୁଲ୍ ସମୟ, ସକାଳୁଆ ହେବ ସ୍କୁଲ୍ । ନବମ ଓ ଏକାଦଶ ପାଇଁ ସକାଳ 7 ରୁ 9 ଟା । ଦଶମ ଓ ଦ୍ୱାଦଶ ଶ୍ରେଣୀ ପାଇଁ ସକାଳ 9 ଟାରୁ ଦିନ 1ଟା ପର୍ଯ୍ୟନ୍ତ ।

ଭୁବନେଶ୍ୱର : ପ୍ରବଳ ଗ୍ରୀଷ୍ମ ପ୍ରବାହକୁ ନଜରରେ ରଖି ରାଜ୍ୟରେ ବଦଳିଲା ସ୍କୁଲ ସମୟ । ଏଣିକି ସକାଳୁଆ ହେବ ସ୍କୁଲ । ଛାତ୍ରଛାତ୍ରୀମାନେ ସକାଳୁ ଆସି ସ୍କୁଲରେ ପାଠ ପଢିବେ । ଏସମ୍ପର୍କରେ ଆଜି ରାଜ୍ୟ ସରକାର ବିଜ୍ଞପ୍ତି ପ୍ରକାଶ କରିଛନ୍ତି । ବିଜ୍ଞପ୍ତି ଅନୁସାରେ ନବମ ଓ ଏକାଦଶ ଶ୍ରେଣୀର ପାଠପଢା ସକାଳ 7ଟାରୁ ଆରମ୍ଭ ହୋଇ 9ଟାରେ ଶେଷ ହେବ । ସେହିପରି ଦଶମ ଓ ଦ୍ୱାଦଶ ଶ୍ରେଣୀର ପାଠପଢା ସକାଳ 9ଟାରୁ ଦିନ ଗୋଟାଏରେ ଶେଷ ହେବ ।

ଏଥିସହିତ ପ୍ରତି ସ୍କୁଲରେ ପିଇବା ପାଣିର ସୁବିଧା କରିବାକୁ ଜିଲ୍ଲା ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି । ତା ସହିତ ସ୍କୁଲରେ ଓଆରଏସ୍ ରଖିବା ଓ ଛାତ୍ରଛାତ୍ରୀଙ୍କ ଯିବା ଆସିବା ଉପରେ ଧ୍ୟାନ ଦେବାକୁ ବିଜ୍ଞପ୍ତିରେ ଉଲ୍ଲେଖ କରାଯାଇଛି । ପିଲାମାନଙ୍କୁ ସ୍କୁଲ ଆସିବା ସମୟରେ ପାଣି ବୋତଲ ନେଇ ଆସିବାକୁ ଗତକାଲି ପରାମର୍ଶ ଦିଆଯାଇଥିଲା । ଅଭିଭାବକମାନେ ଏନେଇ ବିଶେଷ ଧ୍ୟାନ ଦେବାକୁ କୁହାଯାଇଥିଲା । ଏଠାରେ ସୂଚନାଥାଉକି, ବିଗତ କିଛି ଦିନ ହେବ ରାଜ୍ୟରେ ଗ୍ରଫ୍ମ ପ୍ରବାହ ଅଧିକ ଦେଖା ଦେଇଛି । ଅନେକ ଜିଲ୍ଲାରେ ତାତି ବଢୁଥିବା ଦେଖା ଦେଇଛି । ଅପରପକ୍ଷରେ କୋଭିଡ୍ ମହାମାରୀ ପରେ ସ୍କୁଲ୍ ଖୋଲିଛି । କରୋନା ଗାଇଡଲାଇନ ଅନୁସାରେ ସ୍କୁଲରେ ପାଠ ପଢା ଜାରି ରହିବ ।

English summary

Odisha Govt Changes School timing for 9th to 12th Students.