ସମ୍ବାଦ ଲୋନ୍ ସ୍କାମ୍: ଧମକ ଓ ଜାଲିଆତିର ଠୋସ୍ ପ୍ରମାଣ ପାଇଛି EOW

ଭୁବନେଶ୍ୱର: ଦୈନିକ ଖବରକାଗଜ ସମ୍ବାଦ ଲୋନ୍ ସ୍କାମ୍ ମାମଲାରେ ଖୋଳତାଡ଼ ଜାରି ରଖିଛି EOW । ଏହା ଭିତରେ ଅଭିଯୋଗକାରୀଙ୍କ ସଂଖ୍ୟା 24 କୁ ବୃଦ୍ଧି ପାଇଛି । EOW ନିକଟରେ 24 ଜଣ ଅଭିଯୋଗ କଲେଣି । ଏଥି ସହିତ ଅର୍ଥନୈତିକ ଅପରାଧ ଶାଖା ସମ୍ବାଦ କାର୍ଯ୍ୟାଳୟରେ ତନାଘନା କରିଛି । କିନ୍ତୁ ତଦନ୍ତରେ ସମ୍ବାଦ କର୍ମଚାରୀ ସହଯୋଗ କରୁନଥିବା କହିଛି EOW ।

ଅପରପକ୍ଷରେ ଲୋନ୍‌ ସ୍କାମ୍‌ ମାମଲା 3 ଜଣଙ୍କ ବୟାନ ରେକର୍ଡ ହୋଇଛି । 164 ଧାରାରେ 3 ଅଭିଯୋଗକାରୀଙ୍କ ବୟାନ ରେକର୍ଡ କରାଯାଇଛି । ବର୍ତ୍ତମାନ ସୁଦ୍ଧା 24 ଜଣ EOW ନିକଟରେ ଅଭିଯୋଗ କଲେଣି । EOW ନିକଟରେ ଧମକ ଓ ଜାଲିଆତିର ପ୍ରମାଣ ଲାଗିଥିବା ସୂଚନା ମଧ୍ୟ ମିଳିଛି । ଅଭିଯୋଗକାରୀଙ୍କ ନାଁରେ ଏକାଧିକ ସାଲାରୀ ସ୍ଲିପ୍‌ର ପ୍ରମାଣ ମିଳିଥିବା ସୂଚନା ରହିଛି । ଏଥିସହିତ ଇଏସ୍‌ଆଇ ଓ ଇପିଏଫ୍‌କୁ ମଧ୍ୟ ଖୋଳତାଡ଼ କରିବାକୁ ଜଣାଇଛି EOW । ତଦନ୍ତର ଅଗ୍ରଗତି ନେଇ କ୍ରାଇମବ୍ରାଞ୍ଚ EOW ସୂତ୍ରରୁ ଏ ନେଇ ସୂଚନା ଦିଆଯାଇଛି ।

ଓଡ଼ିଶା ପୋଲିସ କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା (ଇଓଡବ୍ଲ୍ୟୁ) ଶୁକ୍ରବାର ପ୍ରେସ ରିଲିଜ ଜରିଆରେ କହିଛି ଯେ ଦୈନିକ ଖବରକାଗଜ 'ସମ୍ବାଦ'ର ଅଧିକାରୀ ଓ କର୍ମଚାରୀମାନେ ଋଣ ଦୁର୍ନୀତିର ତଦନ୍ତରେ ସହଯୋଗ କରୁନାହାଁନ୍ତି ।

ଇଓଡବ୍ଲ୍ୟୁ କହୁଛି ଯେ 'ସମ୍ବାଦ'ର ଅଧିକାରୀମାନେ ସନ୍ଦିଗ୍ଧ ଫାଇଲ୍ ଓ କମ୍ପ୍ୟୁଟର ଫାଇଲ୍ ତଦନ୍ତକାରୀଙ୍କୁ ଦେବାକୁ ମନା କରିଦେଇଥିଲେ । 'ସମ୍ବାଦ' କାର୍ଯ୍ୟାଳୟରୁ ଅଳ୍ପ କିଛି ହାର୍ଡଡିସ୍କ ଜବତ କରିଛି ତଦନ୍ତକାରୀ ସଂସ୍ଥା । ଇଓଡବ୍ଲ୍ୟୁ କହୁଛି, ଋଣ ଠକେଇର ଶିକାର ହୋଇଥିବା ବ୍ୟକ୍ତିମାନେ, ଯେଉଁମାନେ 'ସମ୍ବାଦ'ର କର୍ମଚାରୀ, ସେମାନେ ଏହି ଅଭିଯୋଗକୁ ପ୍ରମାଣିତ କରିଛନ୍ତି । ଓଡ଼ିଶା ଗ୍ରାମ୍ୟ ବ୍ୟାଙ୍କ ଋଣ ଜାଲିଆତି ଅଭିଯୋଗର ବିଭାଗୀୟ ତଦନ୍ତ ଆରମ୍ଭ କରିଛି ବୋଲି ଇଓଡବ୍ଲ୍ୟ କହିଛି । କିନ୍ତୁ ଗ୍ରାମ୍ୟ ବ୍ୟାଙ୍କ ଏ ବାବଦରେ କୌଣସି ସ୍ପଷ୍ଟୀକରଣ ରଖିନି ।

ଇଓଡବ୍ଲ୍ୟୁ ଏସପି କହିଛନ୍ତି, 'ସମ୍ବାଦ'ର କର୍ମଚାରୀମାନେ ତଦନ୍ତରେ ବାଧା ସୃଷ୍ଟି କରିନଥିଲେ ମଧ୍ୟ ସହଯୋଗ କରିନଥିଲେ ।

English summary

Sambad Loan Scam: EOW alleges no cooperation from sambad staff