ମହାନଦୀ ପଠାରେ ବୁଲୁଥିଲା ବଉଳା କୁମ୍ଭୀର, ଉଦ୍ଧାର କଲା ବନ ବିଭାଗ
ନୟାଗଡ଼: ମହାନଦୀ ପଠାରେ ବୁଲୁଛି ବଉଳା କୁମ୍ଭୀର । ନୟାଗଡ଼ ଜିଲ୍ଲା ଗଣିଆ ବ୍ଲକ ଅନ୍ତର୍ଗତ କେନ୍ଦୁପଲ୍ଲୀ ଗ୍ରାମ ନିକଟସ୍ଥ ମହାନଦୀ ବାଲିରେ ବୁଲୁଛି ବଉଳା କୁମ୍ଭୀର । ଏ ନେଇ ଖବର ପାଇବା ପରେ ଉଦ୍ଧାର କରିଛି ବନବିଭାଗ । ଉଦ୍ଧାର କରି କୁମ୍ଭୀରକୁ ସାତକୋଶିଆରେ ଛାଡିଛି ବନବିଭାଗ ।
ସୂଚନା ଅନୁସାରେ, କେନ୍ଦୁପଲ୍ଲୀ ଗ୍ରାମର ଟୁକୁନା ବେହେରା ନାମକ ଜଣେ ବ୍ୟକ୍ତି ନିକଟସ୍ଥ ମହାନଦୀକୁ ମାଛ ମାରିବା ପାଇଁ ଯିବାବେଳେ ରାସ୍ତା ମୁହାଁ ହୋଇଥିବା ଏକ କୁମ୍ଭୀରକୁ ହଠାତ୍ ଦେଖିଥିଲେ । ଏହାପରେ ସେ ଗ୍ରାମବାସୀଙ୍କୁ ଏ ନେଇ ଖବର ଦେଇଥିଲେ । ଗ୍ରାମବାସୀମାନେ ଏକତ୍ରିତ ହେବା ସହ କୁମ୍ଭୀରକୁ କାବୁ କରି ଗଣିଆ ବନବିଭାଗକୁ ଫୋନକରି ଜଣାଇଥିଲେ ।
ବନବିଭାଗର ବନପାଳ ବବୁଲ ସାହୁ, ବନପାଳ ସନ୍ତୋଷ କୁମାର ସାହୁ ସମେତ ସମସ୍ତ ସ୍କ୍ୱାର୍ଡ ଉପସ୍ଥିତ ହୋଇଥିଲେ ଏବଂ ଉଦ୍ଧାର କୁମ୍ଭୀରକୁ ବଡମୁଳ ସ୍ଥିତ ସାତକୋଶିଆ ଗଣ୍ଡରେ ଛଡାଯାଇଥିଲା ।
Click it and Unblock the Notifications
Sign in with Google