ମର୍ମନ୍ତୁଦ ସଡ଼କ ଦୁର୍ଘଟଣାରେ ବାପ-ଝିଅ ମୃତ
ଆନନ୍ଦପୁର: କେନ୍ଦୁଝର ଜିଲ୍ଲାରେ ମର୍ମନ୍ତୁଦ ସଡ଼କ ଦୁର୍ଘଟଣା । ଗୁଗୁଡ଼ିରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ବାପ-ଝିଅ ମୃତ । ରୁଗୁଡ଼ି ଥାନା ଠାରୁ ଅଳ୍ପ ଦୂର ଏନ୍ ଏଚ୍ 520 ରେ ଏଭଳି ଅଘଟଣ ଘଟିଛି ।
ମୃତକମାନେ ହେଲେ, ବଲାଣୀ ଥାନା ଲସର୍ଦା ଵୁରୁ ସାହିର ରାମ ସିଂ ମୁଣ୍ଡା ଓ ତାଙ୍କ ଝିଅ ତୁରୀ ମୁଣ୍ଡା । ଉଭୟ ଏକ ବାଇକ୍ ଯୋଗେ ଗୁଗୁଡ଼ିରୁ ନିଜ ଗାଁ ଲସର୍ଦା ଅଭିମୁଖେ ଫେରୁଥିଲେ। ଏହି ସମୟରେ ଲୁହାପଥର ବୋଝେଇ ଟ୍ରଲରଟି ତାଙ୍କ ବାଇକକୁ ଧକ୍କାଦେଇଥିଲା । ଫଳରେ ଘଟଣା ସ୍ଥଳରେ ହିଁ ଭୟଙ୍କର ମୃତ୍ୟୁ ଘଟିଥିଲା ।
ଗୁଗୁଡ଼ି ପୋଲିସ୍ ଘଟଣାସ୍ଥଳରେ ପହଞ୍ଚି ଟ୍ରଲରକୁ ଜବତ କରି ଘଟଣାର ଅଧିକ ତଦନ୍ତ ଜାରି ରଖିଛି । ଏହି ଘଟଣା ପରେ ଘଟଣାସ୍ଥଳରେ ଲୋକେ କିଛି ସମୟ ପାଇଁ ରାସ୍ତାରୋକ କରିଥିଲେ । ଫଳରେ ଚାପା ଉତ୍ତେଜନା ପ୍ରକାଶ ପାଇଥିଲା । ପୁଲିସ ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା ।
Click it and Unblock the Notifications
Sign in with Google