ବାହାନଗାର ବିକାଶ ଲାଗି 2 କୋଟି ଟଙ୍କା ଦେବେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ
ବାଲେଶ୍ୱର: ବାହାନଗାରେ ରେଳ ଦୁର୍ଘଟଣା ପରେ ଆଜି ପୁଣି ଦୁର୍ଘଟଣାସ୍ଥଳ ଗସ୍ତ କରିଥିଲେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । ଏହି ସମୟରେ ସେ ବାହାନଗା ବଜାର ଯାଇ ଦୁର୍ଘଠଣା ସମୟରେ ବଦାନ୍ୟତା ଦେଖାଇଥିବାରୁ ସ୍ଥାନୀୟ ଲୋକଙ୍କୁ ସାଧୁବାଦ ଜଣାଇବା ସହ ବାହାନଗାର ବିକାଶ ପାଇଁ 2 କୋଟି ଟଙ୍କା ଦେବାକୁ ଘୋଷଣା କରିଛନ୍ତି ।
ବାହାନଗା ଅଞ୍ଚଳର ବିକାଶ ପାଇଁ ନିଜର ସାଂସଦ ପାଣ୍ଠିରୁ ଏକ କୋଟି ଟଙ୍କା ସହାୟତା ଯୋଗାଇ ଦେଇଥିବା ବେଳେ ସ୍ଥାନୀୟ ଡାକ୍ତରଖାନାରେ ସ୍ୱାସ୍ଥ୍ୟସେବାକୁ ସୁଦୃଢ଼ କରିବା ପାଇଁ ରେଳବାଇ ପାଣ୍ଠିରୁ ଏକ କୋଟି ଟଙ୍କା ପ୍ରଦାନ କରାଯିବ ବୋଲି ସେ କହିଛନ୍ତି ।
ଜୁନ୍ 2ରେ ବାହାନଗାରେ ଘଟିଥିବା ଟ୍ରେନ୍ ଦୁର୍ଘଟଣା ପରେ ଉଦ୍ଧାର କାର୍ଯ୍ୟରେ ସହାୟତା କରିଥିବା ସ୍ଥାନୀୟ ଲୋକ, ଡାକ୍ତର ଓ ଚିକିତ୍ସା କର୍ମଚାରୀ ସମସ୍ତଙ୍କୁ ମନ୍ତ୍ରୀ ଏହି ଅବସରରେ ଧନ୍ୟବାଦ ଜଣାଇଛନ୍ତି ।
ଦୁର୍ଘଟଣା ପରେ ବାହାନଗାକୁ ଦ୍ୱିତୀୟ ଥର ଆସିବାର କାରଣ ବିଷୟରେ ମନ୍ତ୍ରୀ କରିଛନ୍ତି, ଦୁର୍ଘଟଣା ପରେ ଅଞ୍ଚଳବାସୀ ଯେଉଁ କାମ କରିଛନ୍ତି ତାହା ପ୍ରଶଂସନୀୟ । ତେଣୁ ସେ ସମସ୍ତଙ୍କୁ ଧନ୍ୟବାଦ ଜଣାଇବାକୁ ଆସିଛି ।
ସେ ବାଲେଶ୍ୱର ଡାକ୍ତରଖାନା ଯାଇ ଅଧିକାରୀ ଓ ଡାକ୍ତରଙ୍କୁ ଭେଟିଛନ୍ତି। ଏହାସହ ଜିଲ୍ଲା ପ୍ରଶାସନର ଅଧିକାରୀଙ୍କୁ ମଧ୍ୟ ଭେଟିଛନ୍ତି। ବାଲେଶ୍ୱର ରେଳ ଷ୍ଟେସନର ବିକାଶ ନେଇ ମଧ୍ୟ ମନ୍ତ୍ରୀ ସମୀକ୍ଷା କରିଛନ୍ତି ।
Click it and Unblock the Notifications
Sign in with Google