ଆସନ୍ତାକାଲି ଠୁ ବିଧାନସଭା ଆଗରେ ଧାରଣା ଦେବେ ଘରୋଇ ବସ୍ ମାଲିକ ସଂଘ

ଭୁବନେଶ୍ୱର: ଆସନ୍ତାକାଲି ଠୁ ବିଧାନସଭା ଆଗରେ ଧାରଣା ଦେବେ ଘରୋଇ ବସ୍ ମାଲିକ ସଂଘ । ପୂର୍ବ ନିଷ୍ପତ୍ତି ଅନୁସାରେ ଓଡ଼ିଶା ଘରୋଇ ବସ୍ ମାଲିକ ସଙ୍ଘ (ଓପିବିଓଏ) ନଭେମ୍ବର 22 ତାରିଖରେ ଭୁବନେଶ୍ୱରରେ ବିଧାନସଭା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବ । ପ୍ରାୟ 1000 ଜଣ ସଦସ୍ୟ ଏହି ବିକ୍ଷୋଭରେ ସାମିଲ ହେବେ ।

ଏନେଇ ଓପିବିଓଏ ପକ୍ଷରୁ କୁହାଯାଇଛି । ଏହାର ଜଣେ ସଦସ୍ୟ କହିଛନ୍ତି, "ଆମେ ବୁଧବାର ବିଧାନସଭା ସମ୍ମୁଖରେ ଧାରଣା ଦେବା ସହ ଆମର ଦାବି ଉପସ୍ଥାପନ କରି ସରକାରଙ୍କୁ ଏକ ସ୍ମାରକପତ୍ର ପ୍ରଦାନ କରିବୁ ।

ରାଜ୍ୟ ସରକାରଙ୍କ ଲକ୍ଷ୍ମୀ ବସ୍ ଚଳାଚଳକୁ ବିରୋଧ କରି ଏହି ବିକ୍ଷୋଭ କରିବ ଘରୋଇ ବସ୍ ମାଲିକ ସଂଘ । ଏହା ପୂର୍ହରୁ ରାଜ୍ୟ ସରକାରଙ୍କ ନିଷ୍ପତ୍ତି ବିରୋଧରେ ସ୍ୱର ଉତ୍ତୋଳନ କରିବା ପାଇଁ ଓପିବିଓଏ ପ୍ରଥମେ ନଭେମ୍ବର 8ରେ ଆନ୍ଦୋଳନ ପାଇଁ ନିଷ୍ପତ୍ତି ନେଇଥିଲା । ଜିଲ୍ଲା ମୁଖ୍ୟାଳୟକୁ ବାଦ୍ ଦେଲେ କେବଳ ଗ୍ରାମ ପଞ୍ଚାୟତ ଓ ବ୍ଲକ୍ ମୁଖ୍ୟାଳୟ ମଧ୍ୟରେ ଲକ୍ଷ୍ମୀ ବସ୍ ଚଳାଚଳ କରିବାକୁ ସଙ୍ଘ ଦାବି କରିଛି । ଏହାବ୍ୟତୀତ ପଞ୍ଚାୟତ ଓ ବ୍ଲକ୍ ମଧ୍ୟରେ ସରକାରଙ୍କ ବସ୍ ଚଳାଚଳ ଯୋଗୁଁ ରାଜସ୍ୱ କ୍ଷତି ପାଇଁ କ୍ଷତିପୂରଣ ମାଗୁଛନ୍ତି ।

ସରକାର ପ୍ରତି କିଲୋମିଟର ପିଛା 76 ଟଙ୍କା ସବସିଡିରେ ଲକ୍ଷ୍ମୀ ବସ୍ ଯୋଗାଇ ଦେଉଛନ୍ତି । ଆମେ ପ୍ରତି କିଲୋମିଟର ପିଛା 50 ଟଙ୍କା ସବସିଡି ଦାବି କରିଛୁ, ଯାହାଫଳରେ ଆମେ ପ୍ରତି ଯାତ୍ରୀ ପିଛା 10 ଟଙ୍କା ଭଡ଼ାରେ ଆମର ସେବା ପ୍ରଦାନ କରିପାରିବା ଏବଂ କୁପନ ମାଧ୍ୟମରେ ମହିଳାଙ୍କୁ ମାଗଣା ଯାତ୍ରାର ସୁବିଧା ପ୍ରଦାନ କରିପାରିବା । ବିକଳ୍ପ ଭାବେ ସରକାର ସମସ୍ତ ବସରେ ସମାନ ଭଡା ଲାଗୁ କରିବା ସହ ସମାନ ସୁଯୋଗ ସୃଷ୍ଟି କରନ୍ତୁ ବୋଲି ଓପିବିଓଏ ସାଧାରଣ ସମ୍ପାଦକ ଦେବେନ୍ଦ୍ର ସାହୁ କହିଛନ୍ତି ।

English summary

Private Bus owners' Association to protest against Laccmi bus service