ସ୍ୱାସ୍ଥ୍ୟ ସେବାରେ ଉଲ୍ଲେଖନୀୟ ଅବଦାନ ପାଇଁ ଓଡ଼ିଶାରୁ ଦୁଇ ଜଣଙ୍କୁ ଫ୍ଲୋରେନ୍ସ ନାଇଟଆଞ୍ଜେଲ୍ ପୁରସ୍କାର
ନୂଆଦିଲ୍ଲୀ: ସ୍ୱାସ୍ଥ୍ୟ ସେବା କ୍ଷେତ୍ରରେ ନିଷ୍ଠାପର ଓ ଉଲ୍ଲେଖନୀୟ କାର୍ଯ୍ୟ ପାଇଁ ଜାତୀୟ ଫ୍ଲୋରେନ୍ସ ନାଇଟ୍ଆଞ୍ଜେଲ ପୁରସ୍କାର ପ୍ରଦାନ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । 30 ଜଣ ସ୍ୱାସ୍ଥ୍ୟକର୍ମୀଙ୍କୁ ରାଷ୍ଚ୍ରପତି ଭବନରେ ସମ୍ବର୍ଦ୍ଧିତ କରିଛନ୍ତି ରାଷ୍ଟ୍ରପତି । ଏଥି ମଧ୍ୟରେ ଓଡ଼ିଶାରୁ ଅଛନ୍ତି ଦୁଇ ଜଣ ।
2022 ଓ 2023 ବର୍ଷ ପାଇଁ ଦେଶର ବଛା ବଛା ସ୍ୱାସ୍ଥ୍ୟକର୍ମୀଙ୍କୁ ଏହି ପୁରସ୍କାର ଦିଆଯାଇଛି । ଓଡ଼ିଶାରୁ ସେବତୀ ସାହୁ ଏବଂ ମଞ୍ଜୁଲତା ମହାରଣାଙ୍କୁ ମିଳିଛି ଏହି ସମ୍ମାନ ।
2022 ବର୍ଷ ପାଇଁ ନର୍ସ ସେବତୀ ସାହୁଙ୍କୁ ଏହି ପୁରସ୍କାର ମିଳିଛି । ନବରଙ୍ଗପୁର ଜିଲ୍ଲା ଚିକିତ୍ସାଳୟରେ ନର୍ସିଂ ଅଫିସର ଅଛନ୍ତି ସେବତୀ । ନର୍ସିଂ ସେବାରେ 18 ବର୍ଷର ଅଭିଜ୍ଞତା ରଖିଥିବା ସେବତୀ କୋଭିଡ୍ ସମୟରେ ସମସ୍ତଙ୍କ ଯତ୍ନ ନେଇଥିଲେ ।
▶️ President Droupadi Murmu presents the National Florence Nightingale Awards 2022 and 2023 to the Nursing professionals.
▶️ Sebati Sahoo and Manjulata Maharana from #Odisha received the award for 2022 & 2023 respectively.
— PIB in Odisha (@PIBBhubaneswar) June 22, 2023
https://t.co/ptlOTDMAD1 pic.twitter.com/M45wtrYjYc
ସେହିପରି 2023 ପାଇଁ ଏଏନଏମ ମଞ୍ଜୁଲତା ମହାରଣାଙ୍କୁ ମଧ୍ୟ ଏହି ସମ୍ମାନ ମିଳିଛି । ପୁରୀ ଜିଲ୍ଲା ସାହସପୁର ଉପ-ସ୍ୱାସ୍ଥ୍ୟକେନ୍ଦ୍ରର ଏଏନଏମ୍ ଭାବେ କାର୍ଯ୍ୟରତ ଅଛନ୍ତି ମଞ୍ଜୁଲତା ମହାରଣା । ଏଏନଏମ୍ ଭାବେ 19 ବର୍ଷ ଧରି ସେବା ଯୋଗାଇ ଆସୁଛନ୍ତି ମଞ୍ଜୁଲତା । ଗତ 3 ବର୍ଷରେ ଅଞ୍ଚଳରେ ମଞ୍ଜୁଲତାଙ୍କ ଅକ୍ଳାନ୍ତ ପରିଶ୍ରମ ଦ୍ୱାରା 99 ପ୍ରତିଶତ ଟିକାକରଣ ସହ ମାତୃ ଓ ଶିଶୁହାର ମୃତ୍ୟୁହାର ଶୂନ ହୋଇ ପାରିଛି ।
Click it and Unblock the Notifications
Sign in with Google