ମଞ୍ଚରେ ଶକ୍ତି ମନ୍ତ୍ରୀ, ଚାଲିଗଲା ବିଜୁଳି... ଗରମରେ ବସିଲେ ମନ୍ତ୍ରୀ

Published: Monday, June 12, 2023, 13:59 [IST]

ଭୁବନେଶ୍ୱର : ରାଜ୍ୟରେ ବିଦ୍ୟୁତ୍ କାଟ୍ ହେଉନଥିବା ନେଇ ବାରମ୍ବାର ସଫେଇ ଦେଉଛନ୍ତି ଶକ୍ତି ମନ୍ତ୍ରୀ । କିନ୍ତୁ ଅଘୋଷିତ ବିଦ୍ୟୁତ୍ କାଟ୍ ର ଅସଲ କଥଆ ପଦାରେ ପଡ଼ିଛି । ମଞ୍ଚରେ ଖୋଦ୍ ଶକ୍ତି ମନ୍ତ୍ରୀ ଥିବା ବେଳଏ ଚାଲିଗଲା ବିଜୁଳି । କିଛି ସମୟ ପାଇଁ ଗରମ ଗୁଳୁଗୁଳିରେ ବସିଲେ ମନ୍ତ୍ରୀ ।

ବାହାନଗାରେ ରେଳ ଦୁର୍ଘଟଣାରେ ପ୍ରାଣ ହରାଇଥିବା ଲୋକଙ୍କୁ ଶ୍ରଦ୍ଧାଞ୍ଜଳି ଦେଉଥିବା ପାଇଁ ହେଉଥିବା ସଭା ଆରମ୍ଭରେ ଏପରି ଘଟଣା ଘଟିଛି । ସଭାରେ ଉପସ୍ଥିତ ଥିଲେ ଶକ୍ତି ମନ୍ତ୍ରୀ । ଏପରି ଘଟଣା ପରେ ନିଜେ ଶକ୍ତି ମନ୍ତ୍ରୀ ପ୍ରତାପ ଦେବଙ୍କ ଉପସ୍ଥିତିରେ ବିଦ୍ୟୁତ କାଟ୍ ହେବା ପରେ ରାଜ୍ୟର ଅନ୍ୟ ସମସ୍ତ ଅଞ୍ଚଳକୁ ନେଇ ଅନେକ ପ୍ରଶ୍ନ ଉଠୁଛି । ବିଭିନ୍ନ ସମୟରେ ଶକ୍ତିମନ୍ତ୍ରୀ ପ୍ରତାପ ଦେବ କହିଥିଲେ ବିନା କାଳବୈଶାଖୀ କିମ୍ବା ବର୍ଷା ନହେଲେ ବିଜୁଳି କାଟ ହୁଏ ନାହିଁ । କିନ୍ତୁ ଆଜିର ସ୍ଥିତି ଅସଲ ଚେହେରା ପଦାରେ ପକେଇ ଦେଇଛି ।

ସେପଟେ ରାଜ୍ୟରେ ବିଦ୍ୟୁତ୍‌ କାଟ୍‌ ପ୍ରସଙ୍ଗକୁ ନେଇ ଛାତ୍ର କଂଗ୍ରେସ ପ୍ରତିବାଦ କରିଛି । ଶକ୍ତିମନ୍ତ୍ରୀଙ୍କ ବାସଭବନ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ଛାତ୍ର କଂଗ୍ରେସ । ଲଣ୍ଠନ ଓ ବିଞ୍ଚଣା ଧରି ପ୍ରତିବାଦ ପ୍ରଦର୍ଶନ କରିବା ସହ ଟମାଟୋ ମାଡ଼ କରିଛନ୍ତି ଛାତ୍ର କଂଗ୍ରେସ କର୍ମୀ ।

ଗ୍ରୀଷ୍ମ ପ୍ରବାହ ବେଳେ ବାରମ୍ବାର ବିଦ୍ୟୁତ କାଟ ହେବାକୁ ନେଇ ପ୍ରଶ୍ନରେ ବିଦ୍ୟୁତ କାଟ୍ ହେଉନି ବରଂ ପାଓ୍ବାର କଟ ହେଉଛି ବୋଲି କହିଥିଲେ ଶକ୍ତିମନ୍ତ୍ରୀ ପ୍ରତାପ ଦେବ । ତେବେ ଭିତ୍ତିଭୂମୀ ଦୁର୍ବଳ ହୋଇଛି ବୋଲି ଶକ୍ତିମନ୍ତ୍ରୀ ସ୍ୱୀକାର କରିଥିଲେ ।

Published On June 12, 2023