ଘାଟିରେ ଓଲଟିଲା ବସ୍: ପିଇଟି ଶିକ୍ଷକ ମୃତ, 20 ରୁ ଅଧିକ ଛାତ୍ରଛାତ୍ରୀ ଆହତ

Published: Wednesday, September 27, 2023, 13:08 [IST]

ଉମରକୋଟ: ଘାଟିରେ ଓଲଟିଲା ବସ୍ । ଫଳରେ ଜଣେ ଶିକ୍ଷକଙ୍କ ମୃତ୍ୟୁ ହୋଇଥିବା ବେଳେ 20 ରୁ ଅଧିକ ଛାତ୍ରଛାତ୍ରୀ ଆହତ ହୋଇଛନ୍ତି । ମୃତ ଶିକ୍ଷକ ହେଲେ ବିବେକାନନ୍ଦ ସ୍କୁଲର ପିଇଟି ଶିକ୍ଷକ ପ୍ରଭାସ କୁମାର ଜେନା ।

ମିଳିଥିବା ସୂଚନା ଅନୁସାରେ, ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଘାଟିରେ ଆଜି ଏହି ଦୁର୍ଘଟଣା ଘଟିଛି । ଛାତ୍ରଛାତ୍ରୀ ଓ ଶିକ୍ଷକଙ୍କୁ ନେଇ ସ୍କୁଲ୍‌ ବସ୍‌ଟି ଚନ୍ଦାହାଣ୍ଡି କ୍ରୀଡ଼ା ଉତ୍ସବରେ ଯୋଗ ଦେବାକୁ ଯାଉଥିଲା । ଏହି ସମୟରେ ବସ୍‌ ଭାରସାମ୍ୟ ହରାଇ ଓଲଟି ପଡ଼ିଥିଲା । ଉମରକୋଟରୁ ବିଭିନ୍ନ ସ୍କୁଲ୍‌ ଛାତ୍ରଛାତ୍ରୀଙ୍କୁ ନେଇ ବସ୍‌ ଯାଉଥିଲା ବୋଲି ଜଣାପଡ଼ିଛି ।

ଆହତମାନଙ୍କୁ ଝରି ଗାଁରେ ଗୋଷ୍ଠୀସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଝରି ଗାଁ ପୋଲିସ ଘଟଣାର ତଦନ୍ତ କରିବା ସହ ତଦନ୍ତ କରୁଛି । ବସ୍‌ରେ 30 ଜଣ ଛାତ୍ରଛାତ୍ରୀ ଥିଲେ । ଦୁର୍ଘଟଣାଗ୍ରସ୍ତଙ୍କୁ ଉଦ୍ଧାର କରିବା ପାଇଁ 2 ଟି ଅଗ୍ନିଶମ ଟିମ୍ କୁ ପଠାଯାଇଛି ।

Published On September 27, 2023