ସ୍ୱାସ୍ଥ୍ୟମନ୍ତ୍ରୀଙ୍କ ଜିଲ୍ଲାରେ ମିଳିଲାନି ଆମ୍ବୁଲାନ୍ସ, ଟ୍ରଲିରେ ବୁହା ହେଲେ ରୋଗୀ

Published: Friday, July 7, 2023, 14:06 [IST]

ସୋନପୁର : ସ୍ୱାସ୍ଥ୍ୟ ବିଭାଗ ପ୍ରତି ସରକାର ଯଥେଷ୍ଟ ଧ୍ୟାନ ଦେଉଥିବା ବେଳେ ଖୋଦ୍ ସ୍ୱାସ୍ଥ୍ୟମନ୍ତ୍ରୀଙ୍କ ଜିଲ୍ଲାରେ ଦେଖିବାକୁ ମିଳିଛି କରୁଣ ପରିସ୍ଥିତି । ଆମ୍ବୁଲାନ୍ସ ନ ମିଳିବାରୁ ଟ୍ରଲିରେ ବୁହା ହେଲେ ରୋଗୀ । ସ୍ୱାସ୍ଥ୍ୟମନ୍ତ୍ରୀ ନିରଞ୍ଜନ ପୂଜାରୀଙ୍କ ଜିଲ୍ଲା ସୋନପୁରର ବିନିକା ରୁ ଆସିଛି ଏପରି ଦୃଶ୍ୟ ।

ଟ୍ରଲିରେ ବୁହା ହୋଇ ଆସିଥିବା ରୋଗୀ ଜଣକ ହେଲେ ହାଲୁ ନାଏକ । ସେ କାମ କରୁଥିବା ବେଳେ ହଠାତ୍ ଅସୁସ୍ଥ ହୋଇ ପଡ଼ିଥିଲେ । କିଛି ଲୋକ ସାହାଯ୍ୟ କରିବାକୁ ଆସି 108 ଆମ୍ବୁଲାନ୍ସକୁ ଫୋନ୍ କରିଥିଲେ । କିନ୍ତୁ ଆମ୍ବୁଲାନ୍ସ ନ ଆସିବାରୁ ଉପାୟଶୂନ୍ୟ ହୋଇ ଟ୍ରଲିରେ ଡାକ୍ତରଖାନା ଆଣିଥିଲେ ।ଟାଉନହଲ ନିକଟକୁ 1085 ଆମ୍ବୁଲାନ୍ସ ଆସିବାରେ ବିଳମ୍ବ ହେବାରୁ ଅନୀଲ ମାହାର ନାମକ ଜଣେ ବ୍ୟକ୍ତି ଟ୍ରଲିରେ ଆହତଙ୍କୁ ବିନିକା ଡ଼ାକ୍ତରଖାନାରେ ଭର୍ତ୍ତି କରିଥିଲେ ।

ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଥିଲା । ଏପରିକି ଅବହେଳା କରିଥିବା ଅଧିକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି ହୋଇଛି ।

Published On July 7, 2023