ରାଜ୍ୟରେ 106 ଛୁଆ କରୋନା ପଡିଟିଭ୍, ଗତ 24 ଘଣ୍ଟାରେ ମୋଟ 816 ନୂଆ କରୋନା ସଂକ୍ରମିତ ଚିହ୍ନଟ

ଗତ 24 ଘଣ୍ଟାରେ ରାଜ୍ୟରେ 816 କରୋନାର ନୂଆ ମାମଲା ସାମ୍ନାକୁ ଆସିଛି । ଏଥିରୁ କ୍ୱାରେଣ୍ଟାଇନ୍‌ରୁ 475 ଏବଂ ଲୋକାଲ କେସ୍ 341 ରହିଛି ।

Published: Friday, August 27, 2021, 11:18 [IST]

ଭୁବନେଶ୍ୱର: ତୃତୀୟ ଲହର ପୂର୍ବରୁ ପିଲାଙ୍କ ସଂକ୍ରମଣ ଚିନ୍ତାର କାରଣ ସାଜିଛି । ଆଜି ରାଜ୍ୟରେ ପୁଣି 106 ଛୁଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେହିପରି ଗତ 24 ଘଣ୍ଟାରେ ରାଜ୍ୟରେ 816 କରୋନାର ନୂଆ ମାମଲା ସାମ୍ନାକୁ ଆସିଛି । ଏଥିରୁ କ୍ୱାରେଣ୍ଟାଇନ୍‌ରୁ 475 ଏବଂ ଲୋକାଲ କେସ୍ 341 ରହିଛି ।

ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ 291ଜଣ ଥିବା ବେଳେ କଟକରୁ 116, ଷ୍ଟେଟ୍ ପୁଲରୁ 62 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ବାଲେଶ୍ବରରୁ 46 ଜଣ ଥିବା ବେଳେ, ଜଗତସିଂହପୁରରୁ 34, ଯାଜପୁରରୁ 31, ମୟୂରଭଞ୍ଜରୁ 27, କେନ୍ଦ୍ରାପଡ଼ାରୁ 29, ପୁରୀରୁ 20, ସମ୍ବଲପୁରରୁ 18, ଅନୁଗୁଳରୁ 13, ନୟାଗଡ଼ରୁ 12, ସୁନ୍ଦରଗଡ଼ରୁ 16, ବରଗଡ଼ରୁ 13, ଢେଙ୍କାନାଳରୁ 19, ଭଦ୍ରକରୁ 9, ଦେବଗଡ଼ରୁ 13, କେନ୍ଦୁଝରରୁ 16, ଗଞ୍ଜାମରୁ 9, କୋରାପୁଟରୁ 5 ଜଣ, ମାଲକାନାଗିରି ଓ କଳାହାଣ୍ଡିରୁ 4ଜଣ ଲେଖାଏଁ, କନ୍ଧମାଳ ଓ ବଲାଙ୍ଗୀରରୁ 3 ଜଣ ଲେଖାଏଁ, ନୂଆଡପଡ଼ା, ରାୟଗଡ଼ା ଓ ଝାରସୁଗୁଡ଼ାରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି ।

ଗୋଟିଏ ଦିନରେ ଆଉ 764 ଜଣ ସୁସ୍ଥ ହୋଇଥିବା ବେଳେ, ମୋଟ ଆରୋଗ୍ୟ ହେଲେଣି 9 ଲକ୍ଷ 88 ହଜାର 854 ଜଣରୁ ଅଧିକ । ଆକ୍ଟିଭ୍ କେସ୍ ରହିଛି 8 ହଜାର 271 ।

Published On August 27, 2021