ଲକଡାଉନ 3.0: ତିନି ଜିଲ୍ଲାରେ ସାମାନ୍ୟ କୋହଳ ହେବ କଟକଣା, ପଢନ୍ତୁ; ବଦଳିଲା ଆଉ କେଉଁ ସବୁ ନିୟମ...

ସଂକ୍ରମଣ କମୁଥିବା ୩ଟି ଜିଲ୍ଲାରେ 3ୟ ପର୍ଯ୍ୟୟ ଲକଡାଉନର କଟକଣା କୋହଳ ହେବ। ନୂଆପଡ଼ା, ଗଜପତି ଓ ସୁନ୍ଦରଗଡ଼ ଜିଲ୍ଲାରେ କୋହଳ ହେବ କିଛି ନିୟମ। ୩ ଜିଲ୍ଲାରେ ସକାଳ ୭ଟାରୁ ଦିନ ୧ଟା ଯାଏଁ ସବୁ ଦୋକାନ ଖୋଲିବ।

Published: Sunday, May 30, 2021, 19:42 [IST]

ଭୁବନେଶ୍ବର: ସଂକ୍ରମଣ କମୁଥିବା ୩ଟି ଜିଲ୍ଲାରେ 3ୟ ପର୍ଯ୍ୟୟ ଲକଡାଉନ କଟକଣା କୋହଳ ହେବ। ନୂଆପଡ଼ା, ଗଜପତି ଓ ସୁନ୍ଦରଗଡ଼ ଜିଲ୍ଲାରେ କୋହଳ ହେବ କିଛି ନିୟମ। ୩ ଜିଲ୍ଲାରେ ସକାଳ ୭ଟାରୁ ଦିନ ୧ଟା ଯାଏଁ ସବୁ ଦୋକାନ ଖୋଲିବ। ମାତ୍ର ସେଲୁନ, ପାର୍ଲର ଓ ମଲ୍ ଖୋଲିବାକୁ ଅନୁମତି ନାହିଁ ।

ତେବେ ରାଜ୍ୟରେ ଆସନ୍ତା ଜୁନ 17 ତାରିଖ ଯାଏଁ ବଢିଛି ଲକଡାଉନ ଅବଧି । ଜୁନ 1 ସକାଳ 5 ଟାରୁ ଜୁନ 17 ସକାଳ 5 ଯାଏଁ ଲକଡାଉନ ଅବଧିକୁ ବୃଦ୍ଧି କରିଛନ୍ତି ରାଜ୍ୟ ସରକାର । ଏନେଇ ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର । ରାଜ୍ୟରେ ଦୈନିକ କରୋନା ସଂକ୍ରମଣ ମାମଲାକୁ ଦୃଷ୍ଟିରେ ରଖି 3ୟ ଥର ପାଇଁ ବଢିଛି ଲକଡାଉନ ଅବଧି ।

ସୂଚନାଥାଉ କି, ମେ' ୫ ତାରିଖରେ ପ୍ରଥମ ପର୍ଯ୍ୟାୟ ଲକ୍‌ଡାଉନ୍ ଘୋଷଣା କରାଯାଇଥିଲା। କିନ୍ତୁ ସ୍ଥିତିରେ ଯଥେଷ୍ଟ ପରିବର୍ତ୍ତନ ନ ହେବାରୁ ଦ୍ୱିତୀୟ ପର୍ଯ୍ୟାୟ ଲକ୍‌ଡାଉନ୍‌ ଜାରି କରାଯାଇଥିଲା, ଯାହା ଜୁନ୍ ୧ ତାରିଖ ସକାଳ ୫ଟାରେ ଶେଷ ହେବ।

ଲକଡାଉନ 3.0 କଣ କଣ ବଦଳିଲା:

ଗାଇଡଲାଇନରେ ସାମାନ୍ୟ ପରିବର୍ତ୍ତନ ଆଣିଛନ୍ତି SRC।
ସକାଳ ୬ଟାରୁ ୧୨ଟା ଯାଏ ଖୋଲିବ ଦୋକାନ ବଜାର ।
ଘରଠାରୁ ୫ ଶହ ମିଟର ଭିତରେ ଚାଲି ଚାଲି ଯାଇପାରିବେ ।
ପୂର୍ବଭଳି ଜାରି ରହିବ ସପ୍ତାହନ୍ତ ସଟଡାଉନ ।
ଅନ୍ୟ ସମସ୍ତ କଟକଣା ପୂର୍ବଭଳି ଜାରି ରହିବ ।
ଅତ୍ୟାବଶ୍ୟକ ହେଲେ ବାଇକରେ ଜଣେ ଯାଇପାରିବେ।
କାର, ଅଟୋ, ଓବେର, ଓଲାରେ ଯାଉଥିଲେ ଡ୍ରାଇଭର ସହ ୨ଜଣ ଯାଇପାରିବେ।
ଜରୁରୀ ଚିକିତ୍ସା ସେବା ପାଇଁ ୨ ଜଣ ପଛ ସିଟରେ ବସି ମଧ୍ୟ ଯାଇପାରିବେ।
CRUT ପକ୍ଷରୁ କେବଳ ଏୟାରପୋର୍ଟ, ରେଲଓ୍ୱେ ଷ୍ଟେସନରୁ ମୋ ବସ୍‌ ସେବା ଜାରି ରହିବ। ୨ଟି ସ୍ଥାନ ବ୍ୟତୀତ ଅନ୍ୟ କେଉଁଠି ବି ରହିବନି ମୋ ବସ୍।
ଯାତ୍ରାବେଳେ ବସ'ରେ ଛିଡା ହୋଇ କେହି ଯାଇପାରିବେ ନାହିଁ।
ନୂଆପଡା, ଗଜପତି, ସୁନ୍ଦରଗଡରେ କଟକଣା କୋହଳ ।
୩ ଟି ଜିଲ୍ଲାରେ ଦିନ ୧ଟା ଯାଏଁ କିଣାବିକା ।