ଖୁସି ଖବର: ବଢିଲା ହାଉସ୍ ସର୍ଜନଙ୍କ ଷ୍ଟାଇପେଣ୍ଡ, କଥା ରଖିଲେ 5 ଟି ସଚିବ
ଭୁବନେଶ୍ୱର: ବଢିଲା ହାଉସ୍ ସର୍ଜନଙ୍କ ଷ୍ଟାଇପେଣ୍ଡ । ଓଡିଶା ସରକାର ମଙ୍ଗଳବାର ଦିନ ସାରା ରାଜ୍ୟରେ ମେଡିକାଲ କଲେଜଗୁଡ଼ିକର ସର୍ଜନଙ୍କ ଷ୍ଟାଇପେଣ୍ଡ ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି ।
ହାଉସ୍ ସର୍ଜନମାନଙ୍କ ଅଭିଯୋଗ ଉପରେ ବିଚାର କରି ବର୍ତ୍ତମାନ ଦରମା ଉପରେ 50 ପ୍ରତିଶତ ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି । ତତ୍କାଳ ଲାଗୁ ହେବ ଷ୍ଟାଇପେଣ୍ଡ ବୃଦ୍ଧି । 2021 ଜାନୁଆରୀରେ ହୋଇଥିବା ନିଷ୍ପତ୍ତି ଅନୁସାରେ ହାଉସ ସର୍ଜନମାନେ ଷ୍ଟାଇପେଣ୍ଡ ପାଉଥିଲେ । ପରେ ସେମାନଙ୍କ ଅଭିଯୋଗ ଅନୁସାରେ ରାଜ୍ୟ ସରକାର ଏହି ନିଷ୍ପତ୍ତି ନେଇଛନ୍ତି । ଏନେଇ ଅର୍ଥ ବିଭାଗକୁ ମଧ୍ୟ ଅବଗତ କରାଯାଇଛି ।
ଅପରପକ୍ଷରେ ଦେବଗଡ଼ ଜିଲ୍ଲାକୁ ସ୍ୱାସ୍ଥ୍ୟ କ୍ଷେତ୍ରରେ ମିଳିଛି ବଡ଼ ଭେଟି । 10 ଜଣ ସ୍ୱତନ୍ତ୍ର ଡାକ୍ତରଙ୍କୁ ନିଯୁକ୍ତି କରାଯାଇଛି । ସର୍ଜରୀ, ଶିଶୁ ବିଭାଗ, ଆନେସ୍ଥାସିଆ, ମାନସିକ, ଅସ୍ଥିଶଲ୍ୟ, ଇଏନଟି, ଚକ୍ଷୁ, ଫୁସଫୁସ, ଭେଷଜ ଓ ଦନ୍ତ ବିଭାଗରେ ନିଯୁକ୍ତି ଦିଆଯାଇଛି ।
5T ସଚିବ ଭି କେ ପାଣ୍ଡିଆନଙ୍କ ଦେବଗଡ଼ ଗସ୍ତ ସମୟରେ ଜନସାଧାରଣଙ୍କ ଅଭିଯୋଗ ଶୁଣାଣିରେ ଲୋକମାନେ ଏ ନେଇ ଦାବି କରିଥିଲେ । ଏହା ପରେ ସରକାର ଦେବଗଡ ଜିଲ୍ଲାରେ 10 ଜଣ ବିଶେଷଜ୍ଞଙ୍କୁ ନିଯୁକ୍ତି ଦେଇଛନ୍ତି । କାଉନସିଲିଂ ମାଧ୍ୟମରେ ଏହି 10 ଟି ବିଭାଗରେ ଡାକ୍ତରଙ୍କୁ ମିଳିଛି ନିଯୁକ୍ତି ।
Click it and Unblock the Notifications
Sign in with Google