ଚାକିରିରୁ ବିଦା ହେଲେ କୁବେର ସରକାରୀ ବାବୁ, ବାଧ୍ୟତାମୂଳକ ଅବସର ଦେଲେ ରାଜ୍ୟ ସରକାର
ଭୁବନେଶ୍ୱର: ଚାକିରି ହରାଇଲେ ଦୁର୍ନୀତିଗ୍ରସ୍ତ ସରକାରୀ ବାବୁ । ଭିଜିଲାନ୍ସ ରେଡ୍ ପରେ ପୁଳା ପୁଳା ଟଙ୍କା ଓ ଆୟବର୍ହିଭୁତ ସମ୍ପତ୍ତି ମିଳିବା ପରେ ଦୃଢ କାର୍ଯ୍ୟାନୁଷ୍ଠାନ ନେଇଛନ୍ତି ରାଜ୍ୟ ସରକାର । ଓଡିଶା ଭିଜିଲାନ୍ସ ରେଡ୍ ପରେ ନିକଟରେ ଗିରଫ ହୋଇଥିବା ପୂର୍ବତନ ନବରଙ୍ଗପୁର ଅତିରିକ୍ତ ସବ୍-କଲେକ୍ଟର ପ୍ରଶାନ୍ତ ରାଉତଙ୍କୁ ଓଡ଼ିଶା ସରକାର ବାଧ୍ୟତାମୂଳକ ଅବସର ପ୍ରଦାନ କରିଛନ୍ତି ।
ଜୁନ୍ 23 ରେ ଭିଜିଲାନ୍ସ ଏକକାଳୀନ ରେଡ୍ ବେଳେ ଭୁବନେଶ୍ୱର ଏବଂ ନବରଙ୍ଗପୁରରେ ଥିବା ତାଙ୍କ ବାସଭବନରୁ 3 କୋଟିରୁ ଅଧିକ ଟଙ୍କା ନଗଦ ଜବତ କରାଯାଇଥିଲା । ପରଦିନ ତାଙ୍କୁ 5 କୋଟିରୁ ଅଧିକ ସମ୍ପତ୍ତି ଜମା ହୋଇଥିବା ଜଣା ପଡିଥିଲା ।
ଏହା ପରେ ଗିରଫ ହୋଇଥିଲେ ଦୁର୍ନୀତିଗ୍ରସ୍ତ ଅତିରିକ୍ତ ଉପଜିଲ୍ଲାପାଳ । ଆୟ ବର୍ହିଭୁତ ସମ୍ପତ୍ତି ଠୁଳ ଅଭିଯୋଗରେ ନବରଙ୍ଗପୁର ଅତିରିକ୍ତ ଉପଜିଲ୍ଲାପାଳ ପ୍ରଶାନ୍ତ ରାଉତଙ୍କୁ ଗିରଫ କରିଥିଲା ଭିଜାଲାନ୍ସ । ବର୍ତ୍ତମାନ ତାଙ୍କି ଚାକିରିରୁ ବିଦା କରିଛନ୍ତି ସରକାର ।
ନିଜ ଆୟଠାରୁ ପ୍ରଶାନ୍ତଙ୍କ 500 ପ୍ରତିଶତ ଅଧିକ ସଂପତ୍ତି ଠାବ ହୋଇଥିବା ନେଇ ଭିଜିଲାନ୍ସ ସୂଚନା ଦେଇଥିଲା ।
ଜବତ ହୋଇଥିବା ସମ୍ପତ୍ତି ତାଲିକା
1) କାନନ ବିହାର, ଭୁବନେଶ୍ୱରରେ 1942 ବର୍ଗଫୁଟର ଏକ ଦୁଇ ମହଲା କୋଠା
2) କଟକ ଏବଂ ଭୁବନେଶ୍ୱରର ମୁଖ୍ୟ ଅଞ୍ଚଳରେ 4 ଟି ପ୍ଲଟ ଏବଂ ନବରଙ୍ଗପୁରର ଉମରକୋଟେରେ ଗୋଟିଏ ବେନାମୀ ପ୍ଲଟ୍ ।
3) 41 ଲକ୍ଷରୁ ଅଧିକ ବ୍ୟାଙ୍କ ଏବଂ ଇନସୁରାନ୍ସ ଜମା
4) 2 ଚାରି ଚକିଆ ଯାନ (ଇନୋଭା ଏବଂ ମାରୁତି ସ୍ୱିଫ୍ଟ) ଏବଂ 1 ଟି ଚକିଆ ଯାନ (ହୋଣ୍ଡା ଆକ୍ଟିଭା)
5) 21.35 ଲକ୍ଷରୁ ଅଧିକ ସୁନା ଏବଂ ରୂପା ଅଳଙ୍କାର
ଏହା ବାଦ୍ "ରାଉତ ତାଙ୍କ ଝିଅର ଡାକ୍ତରୀ ଶିକ୍ଷା ଏବଂ ପୁଅର ଶିକ୍ଷାଗତ ଖର୍ଚ୍ଚ ପାଇଁ 87 ଲକ୍ଷ ଟଙ୍କା ଖର୍ଚ୍ଚ କରିଛନ୍ତି ।
ଏହା ପୂର୍ବରୁ 2018 ରେ ମଧ୍ୟ ସେ ଏକ ଲାଞ୍ଚ ମାମଲାରେ ଧରାପଡ଼ିଥିଲେ । ସୁନ୍ଦରଗଡ଼ ବିଶ୍ରା ବ୍ଲକରେ ବିଡିଓ ଥିବା ବେଳେ 1 ଲକ୍ଷ ଟଙ୍କା ଲାଞ୍ଚ ନେଉଥିବା ବେଳେ ଧରିଥିଲା ଭିଜିଲାନ୍ସ ।
Click it and Unblock the Notifications
Sign in with Google