ଆଉ ଥରେ ପ୍ରଧାନମନ୍ତ୍ରୀ ହୁଅନ୍ତୁ ମୋଦୀ ! 2024 ନିର୍ବାଚନ ପୂର୍ବରୁ ନବୀନ ପଟ୍ଟନାୟକଙ୍କ ବଡ ବୟାନ
ଆସନ୍ତା ବର୍ଷ ହେବାକୁ ଥିବା ଲୋକସଭା ନିର୍ବାଚନ ପୂର୍ବରୁ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ନେଇ ଏକ ବଡ଼ ବୟାନ ଦେଇଛନ୍ତି । ନବୀନ ପଟ୍ଟନାୟକଙ୍କ ଏକ ବୟାନରୁ ସ୍ପଷ୍ଟ ଜଣାପଡ଼ୁଛି ଯେ ସେ ଚାହୁଁଛନ୍ତି ଯେ ମୋଦୀ 2024 ରେ ପୁଣି ଥରେ ପ୍ରଧାନମନ୍ତ୍ରୀ ହୁଅନ୍ତୁ ।
ପୁରୀ-ହାୱଡ଼ା ବନ୍ଦେ ଭାରତ ଏକ୍ସପ୍ରେସ ଉଦଘାଟନ ଅବସରରେ ନବୀନ ପଟ୍ଟନାୟକ କହିଛନ୍ତି ଯେ ମୁଁ ଆଶା କରୁଛି ଯେ ଆପଣଙ୍କ ସହଯୋଗରେ ଆସନ୍ତା 3-4 ବର୍ଷ ମଧ୍ୟରେ ପୁରୀ ଅନ୍ତର୍ଜାତୀୟ ବିମାନବନ୍ଦର ପ୍ରସ୍ତୁତ ହୋଇଯିବ ଏବଂ ଏହାକୁ ଉଦଘାଟନ କରିବାକୁ ପ୍ରଧାନମନ୍ତ୍ରୀ ମୋଦୀ ନଜେ ଆସିବେ ।
ଯେଉଁଭଳି ଭାବରେ ବିରୋଧୀ ଦଳ କ୍ରମାଗତ ଭାବରେ ଭାରତୀୟ ଜନତା ପାର୍ଟି ବିରୁଦ୍ଧରେ ସଂଗଠିତ ହେଉଛନ୍ତି ଏବଂ ବିଜେପି ବିରୋଧରେ ସମସ୍ତ ଦଳକୁ ଏକାଠି କରିବାକୁ ଚେଷ୍ଟା କରୁଛନ୍ତି, ସେହି ସମୟରେ ନବୀନ ପଟ୍ଟନାୟକଙ୍କ ଏହି ବିବୃତ୍ତି ବିରୋଧୀଙ୍କ ଉଦ୍ୟମ ପାଇଁ ଏକ ବଡ଼ ଝଟକା ବୋଲି କୁହାଯାଉଛି ।
କର୍ଣ୍ଣାଟକ ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟିକୁ ଯେଉଁଭଳି ଭାବରେ ପରାଜୟର ସମ୍ମୁଖୀନ ହେବାକୁ ପଡିଥିଲା, ବିରୋଧୀ ଏକତା ଆହୁରି ବଢିପାରେ ବୋଲି ବିଶ୍ୱାସ କରାଯାଉଥିଲା, କିନ୍ତୁ ଏହି ସମୟରେ ପଟ୍ଟନାୟକଙ୍କ ଏହି ବିବୃତ୍ତି ବିରୋଧୀଙ୍କ ଆଶା କୁ ଦୁର୍ବଳ କରିପାରେ ।
ନିକଟରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ନବୀନ ପଟ୍ଟନାୟକଙ୍କୁ ପୃଥକ ଭାବରେ ଭେଟିଥିଲେ । ବିରୋଧୀଙ୍କୁ ମଜବୁତ କରିବା ପାଇଁ ଉଭୟ ନେତା ପଟ୍ଟନାୟକଙ୍କୁ ଭେଟିଥିଲେ ବୋଲି ସାଧାରଣରେ ଚର୍ଚ୍ଚା ହୋଇଥିଲା । କିନ୍ତୁ ସିଏମ ପଟ୍ଟନାୟକଙ୍କ ବର୍ତ୍ତମାନର ବୟାନ ମିଳିତ ବିରୋଧୀ ଠାରୁ ନବାନ ଅଲଗା ରାସ୍ତା ବାଛିଥିବା ନେଇ ଦର୍ଶାଉଛି ।
ମେ 11 ରେ ବିମାନବନ୍ଦର ପ୍ରକଳ୍ପରେ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବା ପରେ ନବୀନ ପଟ୍ଟନାୟକ କହିଥିଲେ ଯେ ତାଙ୍କ ଦଳ ବିଜେଡି କୌଣସି ତୃତୀୟ ସାମ୍ମୁଖ୍ୟର ଅଂଶ ହେବ ନାହିଁ, ଏହା ଲୋକସଭା ନିର୍ବାଚନରେ ଏକାକୀ ଲଢିବ । ଏହା ପରେ ନବୀନଙ୍କ ଏପରି ବୟାନରୁ ମୋଦୀ ଆଉଥରେ ପ୍ରଧାନମନ୍ତ୍ରୀ ହୁଅନ୍ତୁ ଏବଂ ସେ ସମର୍ଥନ ଦେବେ ବୋଲି ସ୍ପଷ୍ଟ ଜଣାପଡ଼ୁଛି ।
Click it and Unblock the Notifications
Sign in with Google