ଖାଲିସ୍ତାନୀ ନେଟୱାର୍କ ଉପରେ କାର୍ଯ୍ୟାନୁଷ୍ଠାନ; ପଞ୍ଜାବ, ହରିୟାଣା ଏବଂ ରାଜସ୍ଥାନର 50 ଟି ସ୍ଥାନରେ NIA ଚଢାଉ
ନୂଆଦିଲ୍ଲୀ: ଖାଲିସ୍ତାନୀ ଆତଙ୍କବାଦୀ ଏବଂ ଗ୍ୟାଙ୍ଗଷ୍ଟରଙ୍କ ମଧ୍ୟରେ ଥିବା ସମ୍ପର୍କ ବିରୋଧରେ ଜାତୀୟ ସୁରକ୍ଷା ଏଜେନ୍ସି କାର୍ଯ୍ୟାନୁଷ୍ଠାନ ଗ୍ରହଣ କରିଛି । ପଞ୍ଜାବ, ହରିୟାଣା, ରାଜସ୍ଥାନ, ଦିଲ୍ଲୀ ଏନସିଆର, ଉତ୍ତରପ୍ରଦେଶ ଏବଂ ଉତ୍ତରାଖଣ୍ଡର 50 ରୁ ଅଧିକ ସ୍ଥାନରେ ଏନଆଇଏ ଚଢାଉ କରିଛି ।
ଆତଙ୍କବାଦୀ, ଗ୍ୟାଙ୍ଗଷ୍ଟର ଏବଂ ଡ୍ରଗ୍ ଡିଲରଙ୍କ ମଧ୍ୟରେ ଥିବା ସମ୍ପର୍କକୁ ଶେଷ କରିବା ପାଇଁ NIA ନିରନ୍ତର ପଦକ୍ଷେପ ନେଉଛି । ସୂଚନାଯୋଗ୍ୟ ଯେ କାନାଡାରେ ଖାଲିସ୍ତାନୀ ଆତଙ୍କବାଦୀ ହରଦୀପ ସିଂହ ନିଜ୍ଜରର ହତ୍ୟା ପରେ ଭାରତ ଏବଂ କାନାଡା ମଧ୍ୟରେ ସମ୍ପର୍କ ତିକ୍ତ ହୋଇ ଉଠିଛି ।
ସୂଚନାନୁସାରେ, ପଞ୍ଜାବର ଅଧିକାଂଶ ସ୍ଥାନ ଉପରେ ଏନଆଇଏ ଟିମ୍ ଚଢାଉ କରୁଛି । ଏନଆଇଏ ଦଳ ପଞ୍ଜାବର 30 ଟି ସ୍ଥାନ ଉପରେ ଚଢାଉ କରୁଥିବାବେଳେ, ରାଜସ୍ଥାନର 13 ଟି ସ୍ଥାନ, ହରିୟାଣାର 4 ଟି ସ୍ଥାନ, ଉତ୍ତରାଖଣ୍ଡର 2 ଟି ସ୍ଥାନ, ଦିଲ୍ଲୀ ଏନସିଆର ଏବଂ ୟୁପିରେ 1 ଟି ଲେଖାଏଁ ସ୍ଥାନ ଉପରେ ଚଢାଉ କରୁଛି ।
ସୂଚନା ଅନୁସାରେ, ଖଲିସ୍ତାନୀ ଏବଂ ଗ୍ୟାଙ୍ଗଷ୍ଟରମାନେ ହାୱାଲା ମାଧ୍ୟମରେ ଭାରତର ଗ୍ରାଉଣ୍ଡ ନେଟୱାର୍କ ସାହାଯ୍ୟରେ ଆତଙ୍କବାଦୀଙ୍କୁ ଅର୍ଥ ପ୍ରଦାନ କରୁଛନ୍ତି । ଏହି ନେଟୱାର୍କକୁ ଶେଷ କରିବା ପାଇଁ ଏନଆଇଏ ଟିମ୍ ଏହି ଚଢାଉ କରୁଛି ।
Click it and Unblock the Notifications
Sign in with Google