Narendra modi Birth Day: ଧୂଆଁରେ ମୋଦୀଙ୍କ ଫଟୋ ଆଙ୍କିଲେ ଓଡ଼ିଆ ଶିଳ୍ପୀ
Narendra modi Birth Day: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ 73 ତମ ଜନ୍ମ ବାର୍ଷିକୀରେ ଏକ ନିଆରା ଚିତ୍ର ଆଙ୍କିଛନ୍ତି ଓଡ଼ିଆ ଚିତ୍ରକାର । କଟକର ଚିତ୍ରକର ଦୀପକ ବିଶ୍ୱାଳ ଧୂଆଁରେ ପ୍ରଧାନମନ୍ତ୍ରୀ ମୋଦୀଙ୍କ ଏକ ଫଟୋଚିତ୍ର ଆଙ୍କିଛନ୍ତି । ଏଥି ସହିତ ଏହାର ପୃଷ୍ଠଭୂମିରେ କୋଣାର୍କର ସୂର୍ଯ୍ୟ ମନ୍ଦିର ଚକ୍ରର ଏକ ସୁନ୍ଦର ଚିତ୍ର ମଧ୍ୟ ଆଙ୍କିଛନ୍ତି ।
ତାଙ୍କର ନିଆରା ଚିତ୍ର ବିଷୟରେ ସୂଚନା ଦେଇ ଦୀପକ କହିଛନ୍ତି, "ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ 73 ତମ ଜନ୍ମଦିନରେ ତାଙ୍କୁ ଶୁଭେଚ୍ଛା ଜଣାଇବା ପାଇଁ ଏକ ଧୂଆଁ ଚିତ୍ର ଆଙ୍କିଛି । ଚିତ୍ରରେ ମୁଁ କୋଣାର୍କ ଚକକୁ ମଧ୍ୟ ଚିତ୍ରଣ କରିଛି, ଯାହା ଓଡିଶାର ଚମତ୍କାର ସଂସ୍କୃତି ଓ ଐତିହ୍ୟକୁ ପ୍ରତିନିଧିତ୍ୱ କରୁଛି । କୋଣାର୍କ ଚକ୍ର ଆଗରେ ଜି -20 ରାତ୍ରୀ ଭୋଜନରେ ବିଶ୍ୱ ନେତା ତଥା ପ୍ରତିନିଧୀଙ୍କୁ ସ୍ୱାଗତ କରିଥିଲେ । ଏହା ଆମ ପାଇଁ ଗର୍ବର ବିଷୟ । "
ଚିତ୍ରକର କହିଛନ୍ତି ଯେ ସେ ନିଜ କଳାକୃତି ପାଇଁ ଏକ ମହମବତୀ, ଛୁଞ୍ଚି (କିମ୍ବା ପୁରୁଣା ପେନ୍ ନିବ୍) ଏବଂ କାନଭାସର ବ୍ୟବହାର କରିଛନ୍ତି ।
#WATCH | Odisha: A Cuttack-based smoke artist, Deepak Biswal makes a portrait of PM Narendra Modi for his 73rd birthday.
PM Modi is celebrating his birthday today, 17th September. pic.twitter.com/xo752bW5z7
— ANI (@ANI) September 16, 2023
ସେହିପରି ଏହି ସମୟରେ ପୁଣେର ଜଣେ ବିଜେପି କର୍ମୀ ମୋଦୀଙ୍କ 73 ତମ ଜନ୍ମ ବାର୍ଷିକୀରେ ଶସ୍ୟ ଏବଂ ମିଲେଟ ବ୍ୟବହାର କରି ପ୍ରଧାନମନ୍ତ୍ରୀ ମୋଦୀଙ୍କ ଚିତ୍ର ପ୍ରସ୍ତୁତ କରିଛନ୍ତି ।
ବିଜେପି କର୍ମୀ କିଶୋର ତରୱେଡ ANI କୁ କହିଛନ୍ତି, "ଚିତ୍ରର ଆକାର 10X18 ଫୁଟ ଏବଂ ଗହମ, ମସୁର ଡାଲି ଏବଂ ମିଲେଟ (ଜାୱାର, ରାଗି) ପରି ପ୍ରାୟ 60 କିଲୋଗ୍ରାମ ଶସ୍ୟରୁ ତିଆରି କରାଯାଇଥିଲା । ଏହି ଚିତ୍ର ସେପ୍ଟେମ୍ବର 16 ରୁ ସେପ୍ଟେମ୍ବର 18 ପର୍ଯ୍ୟନ୍ତ ପୁଣେ ସହରର ବୁଦ୍ଧୱାର ପେଥ୍ ଅଞ୍ଚଳରେ କାଲିକା ମାତା ମନ୍ଦିର ଭବନରେ ପ୍ରଦର୍ଶିତ ହେବ ।
Click it and Unblock the Notifications
Sign in with Google