ସତ ଓଗାଳିବ ଗୋପାଳ, ଗାନ୍ଧୀନଗରରେ ଚାଲିଛି ପଲିଗ୍ରାଫ୍ ଟେଷ୍ଟ

ସ୍ୱାସ୍ଥ୍ୟ ମନ୍ତ୍ରୀ ନବ ଦାସଙ୍କ ହତ୍ୟାକାଣ୍ଡର ଅଭିଯୁକ୍ତ ଗୋପାଳ ଦାସର ହେଉଛି ପଲିଗ୍ରାଫ୍ ଟେଷ୍ଟ । ଗୁଜରାଟ ଗାନ୍ଧୀନଗରରେ ଫରେନସିକ୍ ଲ୍ୟାବରେ କରାଯାଉଛି ଏହି ଟେଷ୍ଟ୍ ।

Published: Thursday, February 9, 2023, 20:13 [IST]

ଭୁବନେଶ୍ୱର: ସ୍ୱାସ୍ଥ୍ୟ ମନ୍ତ୍ରୀ ନବ ଦାସଙ୍କ ହତ୍ୟାକାଣ୍ଡର ଅଭିଯୁକ୍ତ ଗୋପାଳ ଦାସର ହେଉଛି ପଲିଗ୍ରାଫ୍ ଟେଷ୍ଟ । ଗୁଜରାଟ ଗାନ୍ଧୀନଗରରେ ଫରେନସିକ୍ ଲ୍ୟାବରେ କରାଯାଉଛି ଏହି ଟେଷ୍ଟ୍ । ପଲିଗ୍ରାଫ୍ ପରେ ହେବ ନାର୍କୋ ଟେଷ୍ଟ୍ । ସ୍ୱାସ୍ଥ୍ୟମନ୍ତ୍ରୀ ନବଦାସଙ୍କୁ ହତ୍ୟା କରିବା ପଛରେ କଣ କାଣ ରହିଛି ତାହା ଜାଣିବା ପାଇଁ ପୋଲିସ୍ ତଦନ୍ତ ଜାରି ରଖିଛି ।

ଉଲ୍ଲେଖ ଥାଉକି, ଗତକାଲି ଠାରୁ ଗୋପାଳକୁ ଗୁଜରାଟ ଗାନ୍ଧୀନଗରକୁ ଏହି ସମସ୍ତ ଟେଷ୍ଟ ପାଇଁ ଗୁଜୁରାଟ ନିଆଯାଇଛି । କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରାଙ୍କ ନେତୃତ୍ୱରେ ଆଠ ଜଣିଆ ଟିମ୍ ଗୋପାଳକୁ ନେଇ ନାର୍କୋ ଟେଷ୍ଟ ପାଇଁ ଯାଇଛି । ଜେରାବେଳେ ଅନେକ ଗୁମର ଖୋଲିଛି ଅଭିଯୁକ୍ତ । ମାତ୍ର ସେସବୁ କେତେ ଠିକ୍ ? କ୍ରାଇମବ୍ରାଞ୍ଚ ଆଗରେ ଗୋପାଳ ଦେଇଥିବା ବୟାନ ସତ ନା ମିଛ ତା ଜାଣିବାକୁ ଚେଷ୍ଟା କରୁଛି କ୍ରାଇମବ୍ରାଞ୍ଚ ।

Published On February 9, 2023