ଖଣ୍ଡଗିରି-ଉଦୟଗିରି କୁ ବିଶ୍ୱ ଐତିହ୍ୟ ମାନ୍ୟତା ଦାବି କରି ଚିଠି ଲେଖିଲେ ସାଂସଦ
ଭୁବନେଶ୍ୱର: ଖଣ୍ଡଗିରି ଏବଂ ଉଦୟଗିରି ଗୁମ୍ଫାକୁ ବିଶ୍ୱ ଐତିହ୍ୟ ମାନ୍ୟତା ଦେବାକୁ ଦାବି ହୋଇଛି । ବରିଷ୍ଠ ବିଜେପି ନେତା ତଥା ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ଏ ନେଇ କେନ୍ଦ୍ର ସଂସ୍କୃତି ମନ୍ତ୍ରୀ ଜି. କିଶନ ରେଡ୍ଡିଙ୍କୁ ଚିଠି ଲେଖିଛନ୍ତି ।
ପୂର୍ବରୁ ଏହି ଦୁଇ ଐତିହ୍ୟସ୍ଥଳ ଭାରତୀୟ ପ୍ରତ୍ନତତ୍ତ୍ୱ ବିଭାଗ ଦ୍ୱାରା ସଂରକ୍ଷିତ ସ୍ମାରକ ଭାବେ ଘୋଷଣା ହୋଇସାରିଛି । ଏହାର ରକ୍ଷଣାବେକ୍ଷଣ କରୁଛି ASI । ଖଣ୍ଡଗିରି ଓଉଦୟଗିରି ଗୁମ୍ଫାରେ ଜୈନ ଧର୍ମକୁ ନେଇ ଅନେକ ପଥର ଖୋଦିତ ସ୍ମାରକ ରହିଛି । ପ୍ରଥମ ଖ୍ରୀଷ୍ଟାବ୍ଦର ସମ୍ରାଟ ଖାରବେଳ ସମୟରେ ଅନେକ ଶିଳାଲିପି ମଧ୍ୟ ପାହାଡରେ ଖୋଦିତ ହୋଇ ରହିଛି । ଏହି ଦୁଇ ପାହାଡକୁ ବିଶ୍ୱ ଐତିହ୍ୟ ତାଲିକାରେ ସଂରକ୍ଷିତ କରାଗଲେ ଏହାର ରକ୍ଷଣାବେକ୍ଷଣ ଏବଂ ବିକାଶ ହୋଇପାରିବ ।
ଏହି ପାହାଡରେ ପଥର କଟା ଯାଇ ହୋଇଥିବା ଗୁମ୍ଫାରେ ଅନେକ ଜୈନ ସ୍ମାରକୀ ରହିଛି । ପ୍ରଥମ ଖ୍ରୀଷ୍ଟାବ୍ଦର ରାଜା ଖାରବେଳଙ୍କ ସମୟରେ ଏଥିରେ ପ୍ରାକୃତ ଭାଷାର ବ୍ରାହ୍ମୀ ଲିପିରେ ଅନେକ ଶିଳାଲିପି ରହିଛି । ଏହି ଗୁମ୍ଫାର ପଥରରେ ଅନେକ ଶିଳାଲିପି ରହିଛି ଯେଉଁଥିରେ ସେ ସମୟର ଅନେକ କାହାଣୀ କହୁଛି । ତେଣୁ ଏହା ବିଶ୍ୱ ଐତିହ୍ୟ ମାନ୍ୟତା ପାଇବାର ସବୁ ଯୋଗ୍ୟତା ରହିଛି ବୋଲି ଦାବି କରିଛନ୍ତି ସାସଂଦ ଅପରାଜିତା ଷଡ଼ଙ୍ଗୀ ।
Click it and Unblock the Notifications
Sign in with Google