ସରକାରୀ କାମରେ ସରପଞ୍ଚଙ୍କ ଟ୍ରାକ୍ଟର ଚଲାଉଥିଲେ ନାବାଳକ, ଚାଲିଗଲା ଜୀବନ
ବଲାଙ୍ଗୀର : ସରକାରୀ କାମରେ ଲାଗିଛି ସରପଞ୍ଚଙ୍କ ଟ୍ରାକ୍ଟର । ଟ୍ରାକ୍ଟର ଷ୍ଟିଅିରିଂ ଥିଲା ନାବାଳକ ହାତରେ । ଗାଡ଼ି ଓଲଟିବାରୁ ପ୍ରାଣ ହରାଇଛନ୍ତି ନାବାଳକ ଡ୍ରାଇଭର ।
ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ଲୋଇସିଂହା ଥାନା ଅନ୍ତର୍ଗତ ବାଦୀବାହାଲ ପଞ୍ଚାୟତ ଅଗଲାପାଳି ଗାଁରେ । ମୃତ ନାବାଳକ ଜଣଙ୍କ ହେଲେ ମନୁ ଦାଶ ।
ମିଳିଥିବା ସୂଚନା ଅନୁସାରେ, ଅଗଲାପାଳି ଗାଁରେ ବସୁଧା ଯୋଜନାରେ କାମ ଚାଲିଛି । ଏହି ସରକାରୀ କାମରେ ବାଦୀବାହାଲ ପଞ୍ଚାୟତର ସରପଞ୍ଚ ପ୍ରସନ୍ନ ତ୍ରିପାଠୀଙ୍କ ଟ୍ରାକ୍ଟର ଲାଗିଛି । ଟ୍ରାକ୍ଟର ଚଲାଉଥିଲେ ଜଣେ ନାବାଳକ । କାମ ଚାଲୁଥିବା ସମୟରେ ଟ୍ରାକ୍ଟରଟି ଓଲଟି ପଡ଼ିବାରୁ ଘଟଣାସ୍ଥଳରେ ନାବାଳକ ଡ୍ରାଇଭରର ମୃତ୍ୟୁ ହୋଇଛି ।
ପୁଲିସ ମୃତଦେହକୁ ଉଦ୍ଧାର କରି ଘଟଣାର ତଦନ୍ତ କରୁଛି । ଜଣେ ଜନପ୍ରତିନିଧି ହୋଇ ମଧ୍ୟ ଜଣେ ନାବାଳକକୁ କେମିତି କାମରେ କାମରେ ଲଗାଇଥିଲେ, ତାହା ପୁଣି ସରକାରୀ କାମ ସେ ନେଇ ପ୍ରଶ୍ନ ଉଠିଛି ।
Click it and Unblock the Notifications
Sign in with Google