ଭୁବନେଶ୍ୱରରେ ବିଲ୍ ଗେଟ୍ସ, ମାଆ ମଙ୍ଗଳା ବସ୍ତିକୁ ଯାଇ ଲୋକଙ୍କ ସହ କଲେ ଆଲୋଚନା

ଭୁବନେଶ୍ୱର: ଓଡ଼ିଶା ଗସ୍ତରେ ଆସିଛନ୍ତି ମାଇକ୍ରୋସଫ୍ଟର ସହ ପ୍ରତିଷ୍ଠାତା ବିଲ ଗେଟ୍ସ । ଏହି ସମୟରେ ସେ ଅନେକ କାର୍ଯ୍ୟତୃକ୍ରମରେ ଯୋଗ ଦେବେ । ପ୍ରଥମେ ବିଲ୍ ଗେଟ୍ସ ଲୁମ୍ବିନୀ ବିହାର ମା' ମଙ୍ଗଳା ବସ୍ତିକୁ ଯାଇଛନ୍ତି । ଘରକୁ ଘର ଯାଇ ବସ୍ତି ବାସିନ୍ଦାଙ୍କୁ ଭେଟି ଆଲୋଚନା କରିବା ସହ ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଛନ୍ତି ବିଲ୍‌ ଗେଟ୍ସ । ଏହା ସହ ଜାଗା ମିଶନ, ମୁକ୍ତା ଆଦି ରାଜ୍ୟ ସରକାରଙ୍କ ବିଭିନ୍ନ ଯୋଜନାରେ ସେମାନଙ୍କୁ କଣ ମିଳୁଛି ପଚାରି ବୁଝିଛନ୍ତି ।

ଏହାପରେ ବିଲ୍ ଗେଟ୍ସ କୃଷି ଭବନ ଏବଂ ମିଶନ ଶକ୍ତି ବଜାର ବୁଲି ଦେଖିବେ । ଏହାରି ମଧ୍ୟରେ କୃଷି ଭବନରେ ଏକ କାର୍ଯ୍ୟକ୍ରମର ଆୟୋଜନ କରାଯାଇଛି । 12.35 ରେ ସେ ମୁଖ୍ୟମନ୍ତ୍ରୀଙ୍କୁ ଭେଟିବେ । ଏହି ସମୟରେ କୌଣସି ଗୁରୁତ୍ଵପୂର୍ଣ୍ଣ ଆଲୋଚନା ହୋଇପାରେ ବୋଲି ଚର୍ଚ୍ଚା ହେଉଛି ।

ଏହି ଗସ୍ତ ସମୟରେ ବିଲ୍ ଗେଟସ୍ ରାଜ୍ୟର ଚାଷୀ ଓ କୃଷି ଉଦ୍ୟୋଗୀଙ୍କୁ ମଧ୍ୟ ଭେଟିବେ ବୋଲି ଜଣାପଡ଼ିଛି । ରାଜ୍ୟର କିଛି ମହିଳା ଚାଷୀ ଓ ଉଦ୍ୟୋଗୀଙ୍କୁ ବିଲ୍ ଗେଟସ୍ ଏହି ସମୟରେ ଭେଟି ସେମାନଙ୍କର ମତାମତ ନେବେ ବୋଲି ସୂଚନା ମିଳିଛି ।

English summary

Microsoft Co-fonder visited Maa Mangala basti in Bhubaneswar