ତତଲା କଡ଼େଇରେ ରାଜଧାନୀ, ଦିନ 11.30 ସୁଦ୍ଧା 41 ଡିଗ୍ରୀ ପରେ ପାରଦ

ଭୁବନେଶ୍ୱର: ଅସହ୍ୟ ଗୁଳିଗୁଳରେ ସିଜୁଝି ରାଜଧାନୀ । ଏବେ କମିବନି ହିଟ୍ ୱେଭ୍ । ଆହୁରି ଦୁଇ ଦିନ ଗରମରେ ଆଉଟୁପାଉଟୁ ହେବ ରାଜଧାନୀ । ଏ ନେଇ ସତର୍କ କରିଛି ପାଣିପାଗ ବିଭାଗ ।

ଆଜି ଦିନ 11.30 ସୁଦ୍ଧା ରାଜଧାନୀରେ 41.6 ଡିଗ୍ରୀ ଛୁଇଁଛି ପାରଦ । ସେହିପରି ରାଜ୍ୟର ସବୁଠାରୁ ଉତ୍ତପ୍ତ ସହର ପାଲଟିଛି ସମ୍ବଲପୁର । 42 ଡିଗ୍ରୀ ପରେ ରହିଛି ସମ୍ବଲପୁରର ପାରଦ । ସେହିପରି 41.8 ଡିଗ୍ରୀ, ହୀରାକୁଦରେ 41.2 ଡିଗ୍ରୀ, କେନ୍ଦୁଝରରେ 38.4 ଡିଗ୍ରୀ, ବାଲେଶ୍ୱରରେ 37 ଡିଗ୍ରୀ, ଚାନ୍ଦବାଲି 37 ଡିଗ୍ରୀ, ପୁରୀ 36.2 ଡିଗ୍ରୀ, ପାରାଦୀପରେ 34.4 ଡିଗ୍ରୀ, ଗୋପାଳପୁରରେ 34 ଡିଗ୍ରୀ ରହିଛି ତାପମାତ୍ରା ।

ସେହିପରି ସକାଳ 5.30 ସୁଦ୍ଧା ରାଜଧାନୀ ଭୁବନେଶ୍ୱରରେ 30 ଡ଼ିଗ୍ରୀ ତାପମାତ୍ରା ଥିବାବେଳେ 88% ଆଦ୍ରତା ରେକର୍ଡ ହୋଇଥିଲା ।

ଅନ୍ୟ ପକ୍ଷରେ ଆରବ ସାଗରରେ ସୃଷ୍ଟ ବାତ୍ୟାର ପ୍ରଭାବ ହେତୁ ଓଡ଼ିଶାରେ ଗରମ ଓ ଗୁଳୁଗୁଳି ଆଉ ତିନି ଦିନ ଲାଗି ରହିବ ବୋଲି ଜଣାପଡିଛି ।
ଏପରିକି ରଜରେ ବି ରାଜ୍ୟରେ ପ୍ରଚଣ୍ଡ ତାତି ଲାଗି ରହିବ ବୋଲି ପୂର୍ବାନୁମାନ କରାଯାଇଛି । ଆହୁରି ଦୁଇ ଦିନ ଯାଏ ଗରମ ଓ ଗୁଳୁଗୁଳି ହେବା ସହ ଓଡ଼ିଶାରେ ପ୍ରବଳ ଗ୍ରୀଷ୍ମ ପ୍ରବାହରୁ ନିସ୍ତାର ମିଳିବ ନାହିଁ ବୋଲି ସୂଚନା ରହିଛି ।

ଆଗାମୀ ଦୁଇ ଦିନ ମଧ୍ୟରେ ଓଡ଼ିଶାର କିଛି ଜିଲ୍ଲାଗୁଡ଼ିକରେ ତାପମାତ୍ରା 4-6 ଡିଗ୍ରୀ ଯାଏ ବୃଦ୍ଧି ପାଇବ । ଏହାର ପ୍ରଭାବରେ ଆହୁରି 3 ଦିନ ଯାଏ ଗରମ ଓ ଗୁଳୁଗୁଳି ଅନୁଭୂତ ହେବ ।

English summary

Mercury crosses 41 degree by 11.30 in bhubaneswar