ପ୍ରକାଶ ପାଇଲା ମାଟ୍ରିକ ପରୀକ୍ଷା ରେଜଲ୍ଟ: ପାସ ହାର 96.4 %

Updated: Thursday, May 18, 2023, 11:03 [IST]

ଭୁବନେଶ୍ୱର: ବାହାରିଲା ମାଟ୍ରିକ ରେଜଲ୍ଟ । କଟକ ବୋର୍ଡ ଅଫିସରେ ରେଜଲ୍ଟ ପୁସ୍ତିକା ଉନ୍ମୋଚନ ହୋଇଛି। ଚଳିତ ବର୍ଷ ପାସ ହାର 96.4 % । 97.05 % ଛାତ୍ରୀ ପାସ କରିଥିବା ବେଳେ , 95.75 % ଛାତ୍ର ପାସ କରିଛନ୍ତି। 1904 ଛାତ୍ର 90 ପ୍ରତିଶତରୁ ଅଧିକ ମାର୍କ ରଖିଥିବା ବେଳ 2254 ଛାତ୍ରୀ 90 ପ୍ରତିଶତରୁ ଅଧିକ ମାର୍କ ରଖିଛନ୍ତି।

ଚଳିତ ବର୍ଷ ମାଟ୍ରିକ ପାସ୍‌ ହାର 96.40 ପ୍ରତିଶତ । ଛାତ୍ରଙ୍କ ତୁଳନାରେ ଛାତ୍ରୀଙ୍କ ପାସ୍‌ହାର ଅଧିକ ରହିଛି । ଛାତ୍ରୀଙ୍କ ପାସ୍‌ହାର 97.05 % ଓ ଛାତ୍ରଙ୍କ ପାସହାର 95.75 ୫% । କଟକ ଓ ଜଗତସିଂହପୁର ଜିଲ୍ଲାରେ ପାସ୍‌ହାର ସର୍ବାଧିକ 97.99 % ରହିଛି । A1ରେ 4158, A2 ରେ 29838 ଛାତ୍ରଛାତ୍ରୀ ପାସ୍‌ କରିଛନ୍ତି । ସେହିପରି B1ରେ 77567, B2 ରେ 1 ଲକ୍ଷ 18 ହଜାର 750 ଛାତ୍ରଛାତ୍ରୀ ପାସ୍‌ କରିଛନ୍ତି।

ସେହିପରି C ରେ 1 ଲକ୍ଷ 21 ହଜାର 611 ଜଣ ଛାତ୍ରଛାତ୍ରୀ ପାସ କରିଥିବା ବେଳେ, D ରେ 95 ହଜାର 006 ଛାତ୍ରଛାତ୍ରୀ, E ରେ 61 ହଜାର 474 ଏବଂ F ରେ 7 ହଜାର 645 ଜଣ ପାସ କରିଛନ୍ତି ।

ଆଜି (ଗୁରୁବାର) ସକାଳ 10ଟା ରେ କଟକ ବୋର୍ଡ ଅଫିସ୍‌ରେ ଗଣଶିକ୍ଷା ବିଭାଗ ମନ୍ତ୍ରୀ ପ୍ରମିଳା ମଲ୍ଲିକ ଓ ସଚିବଙ୍କ ଉପସ୍ଥିତ‌ିରେ ପରୀକ୍ଷାଫଳ ପ୍ରକାଶ ପାଇଛି ।

ମାଟ୍ରିକ ସହିତ ସଂସ୍କୃତ ମଧ୍ୟମା ଏବଂ ଷ୍ଟେଟ ଓପନ ସ୍କୁଲ ସାର୍ଟିଫିକେଟ ପରୀକ୍ଷା ଫଳ ମଧ୍ୟ ପ୍ରକାଶ ପାଇଛି। ତେବେ ଦିନ 12 ଟା ସୁଦ୍ଧା ଛାତ୍ରଛାତ୍ରୀମାନେ ବୋର୍ଡ ୱେବସାଇଟ ମାଟ୍ରିକ୍ ଫଳାଫଳ ଚେକ୍ କରି ପାରିବେ ।

ମାଟ୍ରିକ ରେଜଲ୍ଟ ଜାଣିବା ପାଇଁ www.bseodisha.ac.in ୱେବସାଇଟକୁ ଯାଇ ନିଜର ରୋଲ ନମ୍ବର ଦେଇ ଫଳାଫଳ ଜାଣି ପାରିବେ । ସେହିପରି OR10 ଲେଖି ସ୍ପେଶ ଦେବାପରେ ନିଜ ରୋଲ୍ ନମ୍ବରକୁ ଟାଇପ କରି 5676750 ନମ୍ବରକୁ ମେସେଜ ପଠାଇ ମଧ୍ୟ ରେଜଲ୍ଟ ଜାଣିପାରିବେ । ପରୀକ୍ଷା ଫଳକୁ ନେଇ ଯଦି ପରୀକ୍ଷାର୍ଥୀଙ୍କର କିଛି ଆପତ୍ତି ଅଭିଯୋଗ ଥାଏ । ତେବେ ଗୋଟିଏ ମାସ ମଧ୍ୟରେ ସେମାନେ ବୋର୍ଡ କର୍ତ୍ତୃପକ୍ଷଙ୍କୁ ଜଣାଇ ପାରିବେ । ସେଥିପାଇଁ ବୋର୍ଡ ପକ୍ଷରୁ ଏକ କଣ୍ଟ୍ରୋଲ ରୁମ୍ ନମ୍ବର ୦୬୭୧-୨୪୧୫୪୬୦ ଜାରି କରାଯାଇଛି ।

ସୂଚନାଥାଉକି, ଚଳିତବର୍ଷ 5 ଲକ୍ଷ 41 ହଜାର 247 ଛାତ୍ରଛାତ୍ରୀ ପରୀକ୍ଷା ପାଇଁ ଫର୍ମ ପୂରଣ କରିଥିବା ବେଳେ ପରୀକ୍ଷା ଦେଇଛନ୍ତି 5 ଲକ୍ଷ 32 ହଜାର ଛାତ୍ରଛାତ୍ରୀ । ମାର୍ଚ୍ଚ 10 ରୁ 20 ତାରିଖ ପର୍ଯ୍ୟନ୍ତ ରାଜ୍ୟର 3218 ପରୀକ୍ଷା କେନ୍ଦ୍ରରେ ପରୀକ୍ଷା ହୋଇଥିଲା ।