ମାର୍କେଟ୍ ବିଲ୍ଡିଂ ବନ୍ଦ : 2 ଦିନରେ ନିଷ୍ପତ୍ତି ନ ହେଲେ ରାଜଧାନୀ ବନ୍ଦ !
ଭୁବନେଶ୍ୱର: ରାଜଧାନୀର ଭିଡ଼ ବଜାର ମାର୍କେଟ୍ ବିଲ୍ଡିଂରେ ଉଠା ଦୋକାନୀ ସମସ୍ୟାକୁ ନେଇ ଗତ 5 ଦିନ ଧରି ବଜାର ବନ୍ଦ ରଖିଛନ୍ତି ସ୍ଥାୟୀ ଦୋକାନୀ ବ୍ୟବସାୟୀ ସଂଘ । ମାର୍କେଟ୍ ଭିତରୁ ଉଠା ଦୋକାନ ହବଟାଇବାକୁ ଦୀର୍ଘ ଦିନ ହେବ ଦାବି କରିଆସୁଛନ୍ତି ସ୍ଥାୟୀ ବ୍ୟବସାୟୀ ସଂଘ । ଏହାକୁ ନେଇ ବିଏମସି କୌଣସି ପଦକ୍ଷେପ ନ ନେବାରୁ 5 ଦିନ ହେବ ମାର୍କେଟ୍ ବନ୍ଦ ରହିଛି । ଏହା ପରେ ଆସନ୍ତା 2 ଦିନରେ ଏହାର ସମାଧାନ ନହେଲେ ଭୁବନେଶ୍ୱର ବନ୍ଦ ପାଇଁ ସେଣ୍ଟ୍ରାଲ ମାର୍କେଟ ଆସୋସିଏସନ୍ ଚେତାବନୀ ଦେଇଛି ।
ଏହି ପ୍ରସଙ୍ଗରେ ମାର୍କେଟ ବିଲ୍ଡିଙ୍ଗ ବ୍ୟବସାୟୀ ସଂଘ ସହ ଅନ୍ୟାନ୍ୟ ବ୍ୟବସାୟୀ ସଂଘ ସାମିଲ ହୋଇ ଆଜି ଏକ ବୈଠକ କରିଛନ୍ତି । ଏହି ବୈଠକରେ ସରକାର ତଥା ପ୍ରଶାସନକୁ ଦୁଇ ଦିନ ମହଲତ ଦେଇଛି ସଂଘ । ଦୁଇ ଦିନ ମଧ୍ୟରେ ନିଷ୍ପତ୍ତି ନନେଲେ ଭୁବନେଶ୍ୱର ବନ୍ଦ କରାଯିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି ବୋଲି ଅଲ୍ ଓଡିଶା ବ୍ୟବସାୟୀ ସଂଘର ସାଧାରଣ ସମ୍ପାଦକ ସୁଧାକର ପଣ୍ଡା କହିଛନ୍ତି । ଏପରିକି ଏହାପରେ ସଂଘ ପୁରା ରାଜ୍ୟକୁ ମଧ୍ୟ ବନ୍ଦ କରାଯିବା ନେଇ ଚେତାବନୀ ମଧ୍ୟ ଦେଇଛି ।
Click it and Unblock the Notifications
Sign in with Google