ସକ୍ରିୟ ହେଉଛନ୍ତି ଲାଲ୍ ବାହିନୀ ! ନୂଆପଡ଼ାରେ ଠାହ ହେଲା ମାଓ କ୍ୟାମ୍ପ୍

Published: Saturday, July 1, 2023, 16:34 [IST]

ନୂଆପଡା : କିଛି ଦିନର ନୀରବତା ପରେ ପୁଣି ସକ୍ରିୟ ହେଉଛନ୍ତି ମାଓବାଦୀ । ବିଶେଷ କରି ଦକ୍ଷିଣ ଓ ପଶ୍ଚିମ ଓଡ଼ିଶାରେ ସକ୍ରିୟ ହେଉଛନ୍ତି ଲାଲ୍ ବାହିନୀ । ଗତକାଲି ରାତିରେ ରାୟଗଡ଼ାର ମୁନିଗୁଡ଼ାର ଏକ କ୍ରସରରେ ଲଙ୍କା କାଣ୍ଡ ଭିଆଇବା ପରେ ଆଜି ନୂଆ ପଡ଼ାରେ ଠାବ ହୋଇଛି ମାଓ କ୍ୟାମ୍ପ । କମ୍ବିଂ ଅପରେସନ ସମୟରେ ମାଓ କ୍ୟାମ୍ପ ଠାବ କରିବା ସହ ଅନେକ ଅସ୍ତ୍ରଶସ୍ତ୍ର ଏବଂ ଅନ୍ୟାନ୍ୟା ମାଓ ଜିନିଷ ଜବତ କରାଯାଇଛି ।

ଏ ନେଇ ଏସପି ରାଘେବେନ୍ଦ୍ର ଗୁଣ୍ଡାଲା ରେଡ୍ଡୀ ସୂଚନା ଦେଇଛନ୍ତି । ସେ କହିଛନ୍ତି, ବିଶେଷ ସୂତ୍ରରୁ ଖବର ପାଇ ନୂଆପଡା SP ଙ୍କ ନିର୍ଦ୍ଧେଶକ୍ରମେ 29 ତାରିଖ ଦିନ SOG, DVF ଓ CRPF ସିନାପାଲି ଓ ବୋଡେ଼ନ ଅଞ୍ଚଳରେ କମ୍ବଂ ଅପରେସନ କରାଯାଇଥିଲା । ସିନାପାଲି ଝୋଲାପଡା ଜଙ୍ଗଲରେ ମାଓବାଦୀମାନେ କ୍ୟାମ୍ପ କରି ରହୁଥିବା ସୂଚନା ପାଇ ଅପରେସନକୁ ଆହୁରି ବ୍ୟାପକ କରାଯାଇଥିଲା ।

ଏହା ପରେ ମାଓବାଦୀମାନେ ଛତ୍ରଭଙ୍ଗ ଦେଇଥିଲେ । ସେହି ସ୍ଥାନରୁ ବିଭିନ୍ନ ପ୍ରକାର ମାଓ ସାମଗ୍ରୀ ଜବତ ହୋଇଥିବା ବେଳେ ବର୍ତ୍ତମାନ ମଧ୍ୟ ସର୍ଚ୍ଚ ଅପରେସନ ଜାରି ରହିଛି । ହ୍ୟାଣ୍ଡ ଗ୍ରେନେଡ, ରେଡ଼ିଓ, ସୋଲଡିଂ ମେସିନ, ବ୍ୟାଟେରୀ, ମାଓ ପୋଷାକ, ମାଓ ପୁସ୍ତିକା ଏବଂ ଖାଦ୍ୟପେୟ ଆଦି ଜବତ କରାଯାଇଛି ।

ବର୍ତ୍ତମାନ ମଧ୍ୟ SOG, DVF ଓ CRPF ପକ୍ଷରୁ ସର୍ଚ୍ଚ ଅପରେସନ ଜାରି ରହିଥିବା ଏକ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି ନୂଆପଡା SP ।

Published On July 1, 2023