ମହାଶିବରାତ୍ରୀ ପାଇଁ ଲିଙ୍ଗରାଜ ମନ୍ଦିରର ହେଲା ନୀତି ନିର୍ଘଣ୍ଟ, ରାତି 10 ଟାରେ ଉଠିବ ମହାଦୀପ

Published: Friday, March 1, 2024, 22:08 [IST]

ଭୁବନେଶ୍ୱର: ଚଳିତ ମାସ 8 ତାରିଖରେ ପାଳନ ହେବ ମହାଶିବରାତ୍ରୀ । ଏଥିପାଇଁ ରାଜ୍ୟର ସମସ୍ତ ଶୈବ ପୀଠ ଗୁଡିକରେ ପ୍ରସ୍ତୁତି ଆରମ୍ଭ ହୋଇ ଗଲାଣି । ମନ୍ଦିର ସେଫେଇ କାର୍ଯ୍ୟଠୁ ଆରମ୍ଭ କରି ଭକ୍ତଙ୍କ ସୁରକ୍ଷା, ଶୃଙ୍ଖଳିତ ଦର୍ଶନ ପାଇଁ ମଧ୍ୟ ବ୍ୟବାସ୍ଥା କରାଯାଇଛି । ଶ୍ରୀଲିଙ୍ଗରାଜ ମନ୍ଦିରରେ ମହାଶିବରାତ୍ରୀ ପାଇଁ ନୀତି ନିର୍ଘଣ୍ଟ ହୋଇଛି ।

ଏଥର ରାତି 10 ଟାରେ ଉଠିବ ଶ୍ରୀଲିଙ୍ଗରାଜ ମହାପ୍ରଭୁଙ୍କର ମହାଦୀପ । ଚଳିତ ଥର ଭୋର୍ 3ଟାରୁ ମନ୍ଦିର ଦ୍ୱାର ଖୋଲାଯାଇ ଶ୍ରୀଲିଙ୍ଗରାଜଙ୍କର ନୀତିକାନ୍ତି ଆରମ୍ଭ କରାଯିବ । ପ୍ରାତଃ 3 ଟା ରୁ 3.30 ପର୍ଯ୍ୟନ୍ତ ହେବ ମଙ୍ଗଳା ଆଳତୀ ଓ ଅବକାଶ । ଏହା ପରେ ଭୋର 3.30 ରୁ ଦିବା 11 ଟା ପର୍ଯ୍ୟନ୍ତ ହେବ ସାହାଣମେଲା ଦର୍ଶନ । ପରେ ଅନ୍ୟ ନୀତିକାନ୍ତି ପରେ ଅପରାହ୍ନ 3.45 ରୁ 4.45 ପର୍ଯ୍ୟନ୍ତ ହେବ ସାହାଣମେଲା ଦର୍ଶନ । ଏହା ପରେ ଅନ୍ୟ ନୀତିକାନ୍ତି ହେବାର ନୀତି ନିର୍ଘଣ୍ଟ ରହିଛି । ରାତି 10 ଟା ରେ ମହାଦୀପ ଦର୍ଶନ ହେବ ।

Published On March 1, 2024