ବିଶ୍ୱ ନିଅନ୍ତାଙ୍କୁ ଏ କି ପ୍ରକାର ଭକ୍ତି ! ଟ୍ରାକ୍ଟରରୁ ଜଗନ୍ନାଥଙ୍କୁ ଫିଙ୍ଗି କଲେ ବିସର୍ଜନ...

Published: Saturday, December 23, 2023, 13:30 [IST]

ବାଲେଶ୍ୱର: ସାରା ଓଡ଼ିଆ ଜାତି ସହ ଜଗତର ନାଥ ସେ ଜଗନ୍ନାଥ । ତାଙ୍କ ଦର୍ଶନ ପାଇଁ ଟିକେ କେତେ ଆକୁଳ ହୁଏ ଭକ୍ତ । ତାଙ୍କ ପ୍ରତି ଅସମ୍ମାନ କଥା କେବେ ବି ଭାବି ପାରିବେନି ଭକ୍ତ । କିନ୍ତୁ ଏମିତି କିଛି ଲୋକ ଜଗନ୍ନାଥଙ୍କୁ ବିସର୍ଜନ କରିବା ସହ ଟ୍ରାକ୍ଟର ଡାଲାରୁ ଫିଙ୍ଗି ଦେଇଛନ୍ତି । ଏମିତି ଏକ ଅଭବାନୀୟ ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲାରେ ।

ଶ୍ରୀଜିଉଙ୍କ ମୂର୍ତ୍ତିକୁ ପାଣିରେ ବିସର୍ଜନ ବେଳେ ଟ୍ରାକ୍ଟରରୁ ଫିଙ୍ଗି ଦେଉଛନ୍ତି । ମହାବାହୁ ପାଣିରେ ନପଡି ଟ୍ରାକ୍ଟର ଡାଲାରେ ମୁହଁ ମାଡି ପଡିଯାଉଛନ୍ତି । ପରେ ଦୁଇ ଜଣ ବ୍ୟକ୍ତି ସେହି ମୂର୍ତ୍ତିଙ୍କୁ ଅତି କଦର୍ଯ୍ୟ ଭାବେ ତାଳସାରୀ ମହୋଦଧୀରେ ବିସର୍ଜନ କରୁଛନ୍ତି ।

ଏହି ଦୃଶ୍ୟକୁ ଦେଖିବା ପରେ ମନରେ ଗୋଟିଏ ପ୍ରଶ୍ନ ଉଠୁଛି ଏ କି ପ୍ରକାର ଭକ୍ତି ? ତେବେ ବାଲେଶ୍ୱର ଜିଲ୍ଲା ଭୋଗରାଇ ବ୍ଲକର ଥାନାଛକ ହେଲିପ୍ୟାଡ ପଡିଆରେ ଡିସେମ୍ବର 13 ତାରିଖରୁ 21 ତାରିଖ ପର୍ଯ୍ୟନ୍ତ ଜଗନ୍ନାଥଙ୍କ 32 ବେଶ ସାଂସ୍କୃତିକ କାର୍ଯ୍ୟକ୍ରମ କରାଯାଇଥିଲା । ଶୁକ୍ରବାର କାର୍ଯ୍ୟକ୍ରମ ସରିବା ପରେ ଜଗନ୍ନାଥଙ୍କ ବେଶ ମୂର୍ତ୍ତି, ରାଧାକୃଷ୍ଣ, ଲକ୍ଷ୍ମୀ, ଶିବ ଓ ସରସ୍ୱତୀଙ୍କ ମୂର୍ତ୍ତିକୁ ବିସର୍ଜନ କରାଯାଇଛି । 10 ଟି ଟ୍ରାକ୍ଟରରେ ଠାକୁରଙ୍କ ମାଟି ମୂର୍ତ୍ତିକୁ ବିସର୍ଜନ ପାଇଁ ତାଳସାରୀ ବେଳଭୂମିକୁ ନିଆଯାଇଥିଲା । ଆଉ ବିସର୍ଜନ ବେଳେ ଏଭଳି କିଛି ଦୃଶ୍ୟ ଦେଖିବା ମିଳିଛି । ତେବେ ମହାପ୍ରଭୁ ଜଗନ୍ନାଥଙ୍କ ବିସର୍ଜନ କୁ ନେଇ ଉଠିଛି ପ୍ରଶ୍ନ । ଜଗନ୍ନାଥଙ୍କ ବିସର୍ଜନ ହେଇ ନଥାଏ ସେ ଦାରୁ ମୁର୍ତ୍ତିତି କିଭଳି ବିସର୍ଜନ କରାଗଲା ତାକୁ ନେଇ ପ୍ରଶ୍ନ‌ ଉଠିଛି । ଏଭଳି ବିସର୍ଜନକୁ ପ୍ରତି ଓଡିଆଙ୍କ ଭାବାବେଗକୁ ଆଘାତ ଦେଇଛି ।

Published On December 23, 2023