ଅଗ୍ନି-5 ମିସାଇଲ ପରୀକ୍ଷଣକୁ ନେଇ ଓଡ଼ିଶା ଆକାଶରେ ଭୟର ବାତାବରଣ

ଓଡ଼ିଶାର କିଛି ଅଞ୍ଚଳର ଆକାଶରେ ଗୁରୁବାର ସନ୍ଧ୍ୟାରେ ଦେଖିବାକୁ ମିଲିଥଇଲା ଏକ ଅଜବ ଦୃଶ୍ୟ । ଏକ ଗତିଶୀଳ ଆଲୋକ ଆକାଶରେ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ । ଏପରିକି କିଛି ଲୋକଙ୍କ ମନରେ ଭୟର ବାତାବରଣ ସୃଷ୍ଟି ହୋଇଥିଲା ।

Updated: Friday, December 16, 2022, 10:54 [IST]

ଭୁବନେଶ୍ୱର: ଓଡ଼ିଶାର କିଛି ଅଞ୍ଚଳର ଆକାଶରେ ଗୁରୁବାର ସନ୍ଧ୍ୟାରେ ଦେଖିବାକୁ ମିଲିଥଇଲା ଏକ ଅଜବ ଦୃଶ୍ୟ । ଏକ ଗତିଶୀଳ ଆଲୋକ ଆକାଶରେ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ । ଏପରିକି କିଛି ଲୋକଙ୍କ ମନରେ ଭୟର ବାତାବରଣ ସୃଷ୍ଟି ହୋଇଥିଲା । କିଛି ଲୋକ ଏହାକୁ ଏଲିଅନଙ୍କର ଉଡ଼ନ୍ତା ଥାଳିଆ କହୁଥିବା ବେଳେ କିଛି ଏହାକୁ ଧୂମକେତୁ କିମ୍ବା ଉଲକାପିଣ୍ଡ ବୋଲି ମଧ୍ୟ କହିଥିଲେ । ସନ୍ଧ୍ୟା ସମୟରେ ଭଦ୍ରକ, ବାଲେଶ୍ୱର, କେନ୍ଦୁଝର ଓ ମୟୁରଭଞ୍ଜ ଜିଲ୍ଲାର କେତେକ ଅଞ୍ଚଳରେ ଏହି ଦୃଶ୍ୟ ଦେଖିବାକୁ ମଳିଥିଲା ।

କିନ୍ତୁ ଏହାର କିତି ସମୟ ପରେ ସମସ୍ତ କଳ୍ପାନାଜଳ୍ପନା ଉପରୁ ହଟିଥିଲା ପରଦା । ଏହା ଅଗ୍ନି-5 ବାଲିଷ୍ଟିକ ମିସାଇଲ ଥିଲା ବୋଲି ଜଣାପଡ଼ିଥିଲା । ଧାମରାର ଅବଦୁଲ କାଲାମ ଦ୍ୱୀପରୁ ଇଣ୍ଟରକଣ୍ଟିନେଣ୍ଟାଲ ଅଗ୍ନି-5 ମିସାଇଲ ପରୀକ୍ଷଣ ହୋଇଥିଲା । ଏହି ମିସାଇଲ ଉତକ୍ଷେପଣ ହେବା ପରେ ଆକାଶରେ ଏପରି ଦେଖାଯାଇଥିଲ । ଯାହାକି ଲୋକଙ୍କ ମନରେ ଏହା କଣ ବୋଲି ପ୍ରଶ୍ନବାଚୀ ସୃଷ୍ଟି କରିଥିଲା ।

ପ୍ରତିରକ୍ଷା ବିଭାଗର ଷ୍ଟାଟେଜିକ୍‌ ଫୋର୍ସ କମାଣ୍ଡ ଏହି ମିସାଇଲକୁ ସଫଳତାର ସହିତ ପରୀକ୍ଷା କରିଥିବା ଡ଼ିଆରଡ଼ିଓ ପକ୍ଷରୁ କୁହାଯାଇଛି । ପୂର୍ବରୁ ଅଗ୍ନୀ-5 କ୍ଷେପଣାସ୍ତ୍ରକୁ 5 ହଜାର କିଲୋମିଟର ପର୍ଯ୍ୟନ୍ତ ସଫଳତାର ସହିତ ପରୀକ୍ଷା କରାଯାଇଥିବାବେଳେ, ବର୍ତ୍ତମାନ ଏହାର ଲକ୍ଷ୍ୟଭେଦ କ୍ଷ୍ୟମତା 5400 କିଲୋମିଟର ପର୍ଯ୍ୟନ୍ତ ସଫଳତାର ସହିତ ପରୀକ୍ଷା କରାଯାଇଛି ।