ଚିନ୍ତା ବଢ଼ାଉଛନ୍ତି କୁମ୍ଭମେଳା ଫେରନ୍ତା : ଆଜି 13 ପଜିଟିଭ୍

ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଉଥିବାବେଳେ ବର୍ତ୍ତମାନ ସଂକ୍ରମିତଙ୍କ ସଂଖ୍ୟାକୁ ଦ୍ୱିଗୁଣିତ କରିଛନ୍ତି କୁମ୍ଭମେଳା ଫେରନ୍ତା । ମେଳାରୁ ଫେରିଥିବା ଶ୍ରଦ୍ଧାଳୁ ଏବେ ସଂକ୍ରମିତ ଚିହ୍ନଟ ହେଉଛନ୍ତି ।

କଟକ : ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଉଥିବାବେଳେ ବର୍ତ୍ତମାନ ସଂକ୍ରମିତଙ୍କ ସଂଖ୍ୟାକୁ ଦ୍ୱିଗୁଣିତ କରିଛନ୍ତି କୁମ୍ଭମେଳା ଫେରନ୍ତା । ମେଳାରୁ ଫେରିଥିବା ଶ୍ରଦ୍ଧାଳୁ ଏବେ ସଂକ୍ରମିତ ଚିହ୍ନଟ ହେଉଛନ୍ତି । ତେବେ ପୁଣି ବୁଧବାର କଟକରୁ ମେଳା ସହ ଜଡିତ ଥିବା 13 ଜଣ ବ୍ୟକ୍ତି କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ମଙ୍ଗଳବାର ମଧ୍ୟ 13 ଜଣ ଚିହ୍ନଟ ହୋଇଥିଲେ । କଟକ ରେଳ ଷ୍ଟେସନରେ ବାହାର ରାଜ୍ୟରୁ ଆସୁଥିବା ଯାତ୍ରୀଙ୍କ ଆରଟିପିସିଆର୍ ଟେଷ୍ଟ ହେଉଥିବା ସିଏମସି ପକ୍ଷରୁ ବୁଧବାର ସୂଚନା ଦିଆଯାଇଛି ।

ସୂଚନା ଅନୁସାରେ, ବିଶ୍ୱ ପ୍ରସିଦ୍ଧ କୁମ୍ଭ ମେଳାକୁ କୋଭିଡ୍ ସଂକ୍ରମଣ ଦୃଷ୍ଟିରୁ କେନ୍ଦ୍ର ସରକାର ସମାପନ କରିଦେଇଛନ୍ତି । ସେଠାକୁ ଯାଇଥିବା ଶ୍ରଦ୍ଧାଳୁମାନେ ଏବେ ରାଜ୍ୟକୁ ଫେରୁଛନ୍ତି । ତେଣୁ ଓଡିଶା ସରକାର କୁମ୍ଭମେଳା ଫେରନ୍ତାଙ୍କ ପାଇଁ କ୍ୱାରେନଣ୍ଟାଇନ୍ ବାଧ୍ୟତାମୂଳକ କରିଛନ୍ତି । ରାଜ୍ୟକୁ ଫେରୁଥିବା କୁମ୍ଭମେଳା ସହ ଜଡିତ ଥିବା ବ୍ୟକ୍ତି ତଥା ଯେକୌଣସି ବ୍ୟକ୍ତି ଯେଉଁ ମାନେ ବାହାର ରାଜ୍ୟରୁ ଫେରୁଛନ୍ତି ସେମାନଙ୍କ ରେଳ ଷ୍ଟେସନରେ ଆରଟିପିସିଆର୍ ଟେଷ୍ଟ ହେବା ସହ କ୍ୱାରେନଣ୍ଟାଇନ୍ ବାଧ୍ୟତାମୂଳକ କରାଯାଇଛି ।

ସେପଟେ ବିଭିନ୍ନ ରାଜ୍ୟରେ ଲକଡାଉନ୍ ଘୋଷଣା ହେଉଥିବାରୁ ସେଠାରେ ରହି କାମ କରୁଥିବା ପ୍ରବାସୀମାନେ ରାଜ୍ୟକୁ ଫେରିବାରେ ଲାଗିଛନ୍ତି । ବିଭିନ୍ନ ଟ୍ରେନ୍ ଯୋଗେ ହଜାର ହଜାର ସଂଖ୍ୟାରେ ପ୍ରବାସୀ ରାଜ୍ୟକୁ ଫେରୁଛନ୍ତି । ତେଣୁ ସରକାର ନୂତନ ଗାଇଡଲାଇନ୍ ଜାରି କରିବା ସହ କଟକଣାକୁ କଡାକଡି କରିଛନ୍ତି ।

English summary

Kumb mela Returnee Increasing Tension In Odisha.