ବଢିଲା କରୋନା ଭୟ : ଖଣ୍ଡୁଆଳି ଗ୍ରମକୁ କଣ୍ଟେନମେଣ୍ଟ ଘୋଷଣା କଲା ପ୍ରଶାସନ
କଟକ ଜିଲ୍ଲା ଆଠଗଡ଼ ବ୍ଲକର ରାଧାକୃଷ୍ଣପୁର ପଂଚାୟତର ଖଣ୍ତୁଆଳି ଗ୍ରାମରେ 16 ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସଂକ୍ରମିତଙ୍କ ମଧ୍ୟରୁ 5ଜଣ ପୁରୁଷ, 6 ଜଣ ମହିଳା ଥିବା ବେଳେ 5ଜଣ ଛୁଆ ଅଛନ୍ତି ।
କଟକ : ପୁଣି ବଢିଲା କରୋନା ସଂକ୍ରମଣ ଭୟ । କଟକ ଜିଲ୍ଲା ଆଠଗଡ଼ ବ୍ଲକର ରାଧାକୃଷ୍ଣପୁର ପଂଚାୟତର ଖଣ୍ତୁଆଳି ଗ୍ରାମରେ 16 ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସଂକ୍ରମିତଙ୍କ ମଧ୍ୟରୁ 5ଜଣ ପୁରୁଷ, 6 ଜଣ ମହିଳା ଥିବା ବେଳେ 5ଜଣ ଛୁଆ ଅଛନ୍ତି ।
ସଂକ୍ରମିତଙ୍କୁ ହୋମ୍ ଆଇସୋଲେସନରେ ରଖାଯାଇଛି । ଏଥିସହିତ କଣ୍ଟାକ୍ଚ ଟ୍ରେସିଂ ଚାଲିଛି । ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଶନିବାର ଠାରୁ 7 ଦିନ ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ୍ ଭାବେ ଘୋଷଣା କରାଯାଇଛି । ଗାଁରୁ ବାହାରକୁ ଯିବା ଏବଂ ବାହାରୁ ଗାଁ ଭିତରକୁ ଲୋକଙ୍କ ଯାତାୟତ ନେଇ କଟକଣା କରାଯାଇଛି ।
ସେଠାକାର ପରିସ୍ଥିତିର ଅନୁଧ୍ୟାନ କରିବା ସହ ସ୍ୱାସ୍ଥ୍ୟବସ୍ଥା ଯାଞ୍ଚ କରିବା ପାଇଁ ସ୍ୱାସ୍ଥ୍ୟ ଅଧିକାରୀ, ଆଶା କର୍ମୀ, ମହିଳା ସ୍ୱାସ୍ଥ୍ୟ ଅଧିକାରୀଙ୍କ ଏକ ଦଳ ଗସ୍ତ କରିଛନ୍ତି । ଲୋକମାନଙ୍କୁ ସଚେତନ କରିବା ସହ ସ୍ୱାସ୍ଥ୍ୟ ଅବସ୍ଥାର ତଦାରଖ କରିବେ ବୋଲି ବ୍ରହ୍ମପୁର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରର ଭାରପ୍ରାପ୍ତ ଅଧିକାରୀ ଦିଲୀପ ଦାସ ସୂଚନା ଦେଇଛନ୍ତି ।
Click it and Unblock the Notifications
Sign in with Google