ଆଜି ଆସିବ ଝାରସୁଗୁଡ଼ା ଜନାଦେଶ ଫଳାଫଳ

ଝାରସୁଗୁଡ଼ା ଉପନିର୍ବାଚନ: ଆଜି ପ୍ରକାଶ ପାଇବ ଝାରସୁଗୁଡ଼ା ଉପନିର୍ବାଚନ ଫଳାପଳ । ସକାଳ 8 ଟାରୁ ଆରମ୍ଭ ହେବ ଭୋଟ୍ ଗଣତି । ପ୍ରଥମେ ପୋଷ୍ଟାଲ ବାଲାଟ ଗଣତି ଶେଷ ହେବା ପରେ 8.30 ରୁ ଇଭିଏମ୍ ଗଣତି ଆରମ୍ଭ ହେବ । ମୋଟ୍ 14 ଟି ଟେବୁଲରେ 18 ରାଉଣ୍ତରେ ହେବ ଗଣତି । ଗଣତି କେନ୍ଦ୍ର ପାଇଁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ହୋଇଛି ।

ଝାରସୁଗୁଡ଼ା ସ୍ଥିତ ଇଞ୍ଜିନିୟରିଂ କଲେଜରେ ହୋଇଛି ଭୋଟ ଗଣନା କେନ୍ଦ୍ର । 253 ବୁଥ୍ ଥିବାରୁ 18 ରାଉଣ୍ତ ଗଣନା ହେବ । ସଂଧ୍ୟା 4-6 ଟା ମଧ୍ୟରେ ପ୍ରକାଶ ପାଇବ ଫଳାଫଳ । ମତ ଗଣନା କେନ୍ଦ୍ରରେ ସେଣ୍ଟ୍ରାଲ ଅବଜରଭର ଟିମ୍ ଉପସ୍ଥିତ ରହିବା ସହ ଷ୍ଟ୍ରଙ୍ଗ ରୁମକୁ ସଂପୂର୍ଣ୍ଣ ସିସିଟିଭି ସ୍କାନରେ ରଖାଯାଇଛି ।

ପ୍ରତ୍ୟେକ ଟେବୁଲରେ ଜଣେ କାଉଟିଙ୍ଗ୍ ସୁପରଭାଇଜରଙ୍କ ସହ ଜଣେ ସହାୟକ ଏବଂ ଜଣେ ମାଇକ୍ରୋ ଅବଜରଭର ଉପସ୍ଥିତ ରହିବା ନେଇ ରହିଛି ସୂଚନା । ଭୋଟ ଗଣତି କେନ୍ଦ୍ରରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି । ଏଥର ସାଧାରଣ ଜନତା ମଧ୍ୟ ସିଧାସଳଖ ଭୋଟ୍ ରେଜଲ୍ଟ ଜାଣିପାରିବେ ।

www.result.eci.gov.in ୱେବସାଇଟରେ ଲଗଇନ୍ କରି ଉପନିର୍ବାଚନ ଫଳାଫଳ ଜାଣି ପାରିବେ । ଅନ୍ୟପକ୍ଷରେ ସିଇଓଙ୍କ ଅଫିସ ପରିସରରେ ମଧ୍ୟ ରେଜଲ୍ଟ ଜାଣିବାର ବ୍ୟବସ୍ଥା କରାଯାଇଛି ।

ଉଲ୍ଲେଖଥାଉ କି, ଝାରସୁଗୁଡା ନିର୍ବାଚନ ମୈଦାନରେ ମୋଟ 9 ଜଣ ପ୍ରାର୍ଥୀ ରହିଥିବା ବେଳେ 3 ପ୍ରମୁଖ ଦଳ ବିଜେଡିର ଦୀପାଳି ଦାସ, ବିଜେପିର ଟଙ୍କଧର ତ୍ରିପାଠୀ ଓ କଂଗ୍ରେସର ତରୁଣ ପାଣ୍ଡେଙ୍କ ମଧ୍ୟରେ ଲଢ଼େଇ ହେବାର ସମ୍ଭାବନା ରହିଛି ।

ତେବେ ମୁଖ୍ୟ ନିର୍ବାଚନ ଅଧିକାରୀଙ୍କ ସୂଚନା ଅନୁସାରେ ପୁରୁଷଙ୍କ ଅପେକ୍ଷା ମହିଳାଙ୍କ ଭୋଟ ସଂଖ୍ୟା ଅଧିକ ରହିଥିଲା । ମହିଳାଙ୍କ ଭୋଟ ସଂଖ୍ୟା 77, 020 ଥିବା ବେଳେ ପୁରୁଷଙ୍କ ଭୋଟ ସଂଖ୍ୟା ଥିଲା 74,008 । ମୋଟ 1 ଲକ୍ଷ 50 ହଜାର 035 ଭୋଟ ଗ୍ରହଣ କରାଯାଇଛି ।

English summary

Jharsuguda By Election result To Be Declared Today