ହୀରାକୁଦ୍ ଖୋଲିଲା 2 ଟି ଗେଟ୍
ସମ୍ବଲପୁର: ଖୋଲିଲା ହୀରାକୁଦ୍ ଡ୍ୟାମ୍ ର 2 ଟି ଗେଟ୍ । ମହାନଦୀର ଉପରମୁଣ୍ଡରେ ଲଘୁଚାପଜନିତ ବର୍ଷାକୁ ଦୃଷ୍ଟିରେ ରଖି ହୀରାକୁଦ ଜଳଭଣ୍ଡାରରୁ 2 ଟି ଗେଟ୍ ଖୋଲାଯାଇଛି । ଜଳଭଣ୍ଡାରର ଉଭୟ ବାମ ଓ ଦକ୍ଷିଣ ପାର୍ଶ୍ବରୁ ଗୋଟିଏ ଲେଖାଏଁ ଗେଟ୍ ଖୋଲାଯାଇଥିବା ନେଇ ଡ୍ୟାମ୍ କର୍ତ୍ତୃପକ୍ଷଙ୍କ ତରଫରୁ ସୂଚନା ଦିଆଯାଇଛି ।
ମିଳିଥିବା ସୂଚନା ଅନୁସାରେ ଆଜି ଅପରାହ୍ନ 3ଟା ବେଳକୁ ହୀରାକୁଦ ଜଳଭଣ୍ଡାରର ଜଳସ୍ତର 628.23 ଫୁଟ୍ ଥିଲା । ଜଳଭଣ୍ଡାରକୁ ସେକେଣ୍ଡ ପିଛା 73308 କ୍ୟୁସେକ ଜଳ ପ୍ରବେଶ କରୁଥିଲା । ଅପରପକ୍ଷେ ଜଳଭଣ୍ଡାରରୁ ସେକେଣ୍ଡ ପିଛା 35 ହଜାର 189 କ୍ୟୁସେକ୍ ଜଳ ନିଷ୍କାସିତ ହେଉଥିଲା । ଏଥିରୁ ପାୱାର ଚାନେଲ ଦେଇ 30 ହଜାର 830 କ୍ୟୁସେକ୍ ଓ 2 ଟି ଗେଟ୍ ଦେଇ ଜଳ ମହାନଦୀରେ ଛଡ଼ାଯାଇଛି ।
ଚାଷ ପାଇଁ 3987 କ୍ୟୁସେକ୍, ସମ୍ବଲପୁର ଡିଷ୍ଟ୍ରିବ୍ୟୁଟାରିରେ 3255 କ୍ୟୁସେକ୍ ଛଡ଼ାଯାଇଥିବା ବେଳେ ଶିଳ୍ପାନୁଷ୍ଠାନଗୁଡ଼ିକୁ 257 କ୍ୟୁସେକ୍ ପାଣି ଯୋଗାଇ ଦିଆଯାଉଛି । ମହାନଦୀର ବେଲଗାଓଁଠାରେ 15 ହଜାର 200 କ୍ୟୁସେକ୍, ପର୍ଥଲାଠାରେ 47 ହଜାର 672 କ୍ୟୁସେକ୍, ଖଇରମାଲରେ 62 ହଜାର କ୍ୟୁସେକ୍, ବରମୂଳଠାରେ 71 ହଜାର କ୍ୟୁସେକ୍ ଓ ମୁଣ୍ଡଳୀଠାରେ 80 ହଜାର କ୍ୟୁସେକ୍ ଜଳ ପ୍ରବାହିତ ହେଉଥିଲା ।
ସେପଟେ ଲଘୁଚାପର ରୂପ ନେଇଛି ଉତ୍ତର-ପଶ୍ଚିମ ବଙ୍ଗୋପସାଗରରେ ସୃଷ୍ଟ ଘୂର୍ଣ୍ଣିବଳୟ । ଏହାର ପ୍ରଭାବରେ ଆସନ୍ତା 24 ଘଣ୍ଟାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଦକ୍ଷିଣ ଓଡ଼ିଶା, ଉତ୍ତର ଆନ୍ଧ୍ର ଓ ଛତିଶଗଡ଼ରେ ପ୍ରବଳ ବର୍ଷା ସମ୍ଭାବନା ରହିଛି ।
ଏହା ସହ ଆଗାମୀ 4 ଦିନ ପର୍ଯ୍ୟନ୍ତ ପ୍ରଭଳ ବର୍ଷା ରହିଛି । ଏ ନେଇ 25 ଜିଲ୍ଲାକୁ ସତର୍କ ସୂଚନା ଜାରି କରାଯାଇଛି ।
ସୂଚନାଥାଉକି, ହୀରାକୁଦ ଜଳ ଭଣ୍ଡାରରୁ ବର୍ଷର ପ୍ରଥମ ବନ୍ୟା ଜଳ ଜୁଲାଇ 23 ତାରିଖ ରବିବାର ନିଷ୍କାସନ କରାଯାଇଥିଲା । ଏହାପରେ ପାଣି କମିବା ପରେ ଗେଟ୍ ବନ୍ଦ କରାଯାଇଥିଲା । ତେବେ ପୁଣି ଆଜିଠାରୁ ଦୁଇଟି ଗେଟ୍ ଖୋଲାଯାଇଛି ।
Click it and Unblock the Notifications
Sign in with Google