ତିନି ଦିନ ପରେ ଉପକୂଳ ଓଡ଼ିଶାକୁ ମିଳିବ ତ୍ରାହି, ପଶ୍ଚିମ ଓଡ଼ିଶାକୁ 5 ଦିନ ଗ୍ରୀଷ୍ମ ପ୍ରବାହ
ପ୍ରଚଣ୍ଡ ଖରା ଓ ଗରମ ସହ ଗୁଳୁଗୁଳି ଜନଜୀବନକୁ ଅସ୍ତବ୍ୟସ୍ତ କରିଦେଲାଣି । ମୌସୁମୀ ଆସିବା ବିଳମ୍ବ ହେବା ଏହି କଷ୍ଟକୁ ବହୁଗୁଣିତ କରିଦେଉଛି । ଏହି ସମୟରେ ଆଗାମୀ 4 ଦିନ ଯାଏଁ ଦିନ ତାପମାତ୍ରା ରେ ବିଶେଷ ପରିବର୍ତ୍ତନର ସମ୍ଭାବନା ନାହିଁ ବୋଲି କହିଛି ପାଣିପାଗ ବିଭାଗ । ପରବର୍ତୀ ସମୟରେ ଦିନ ତାପମାତ୍ରା ସାମାନ୍ୟ ତଳକୁ ଖସିବା ସମ୍ଭାବନା ରହିଛି । ତେବେ ଆଗାମୀ 3 ଦିନ ଉପକୂଳ ଓଡ଼ିଶା ଏବଂ 5 ଦିନ ଯାଏଁ ପଶ୍ଚିମ ଓଡ଼ିଶାରେ ଭୀଷଣ ଗ୍ରୀଷ୍ମ ପ୍ରବାହ ସମ୍ଭାବନା ରହିଛି ।
ଆଜି ଦିନ 2.30 ସୁଦ୍ଧା 40 ଡିଗ୍ରୀ ପରେ ରହିଛି 4 ସହର । ସେଥି ମଧ୍ୟରେ ଝାରସୁଗୁଡାରେ 44.6 ଡ଼ିଗ୍ରୀ, ଭୁବନେଶ୍ୱରରେ 44.4 ଡ଼ିଗ୍ରୀ, ସମ୍ବଲପୁରରେ 44.4 ଡ଼ିଗ୍ରୀ ତାପମାତ୍ରୀ ରହିଛି । ହୀରାକୁଦରେ 43.8 ଡ଼ିଗ୍ରୀ, କେନ୍ଦୁଝରରେ 40 ଡ଼ିଗ୍ରୀ, ଚାନ୍ଦବାଲିରେ 37.6 ଡ଼ିଗ୍ରୀ, ବାଲେଶ୍ୱରରେ 35 ଡ଼ିଗ୍ରୀ, ଗୋପାଳପୁରରେ 36.8 ଡ଼ିଗ୍ରୀ ଏବଂ ପୁରୀରେ 34.8 ଡ଼ିଗ୍ରୀ ତାପମାତ୍ରା ରହିଛି ।
ଆଜି ଦିନ ୨ ଟା ୩୦ ସୁଦ୍ଧା ରେକର୍ଡ ତାପମାତ୍ରା #ଝାରସୁଗୁଡା: ୪୪.୬ ଡ଼ିଗ୍ରୀ#ଭୁବନେଶ୍ୱର: ୪୪.୪ ଡ଼ିଗ୍ରୀ#ସମ୍ବଲପୁର: ୪୪.୪ ଡ଼ିଗ୍ରୀ#ହୀରାକୁଦ : ୪୩.୮ ଡ଼ିଗ୍ରୀ#କେନ୍ଦୁଝର: ୪୦ ଡ଼ିଗ୍ରୀ
— Meteorological Centre, Bhubaneswar (@mcbbsr) June 16, 2023
ଚାନ୍ଦବାଲି: ୩୭.୬ ଡ଼ିଗ୍ରୀ
ବାଲେଶ୍ୱର: ୩୫ ଡ଼ିଗ୍ରୀ
ଗୋପାଳପୁର: ୩୬.୮ ଡ଼ିଗ୍ରୀ
ପୁରୀ: ୩୪.୮ ଡ଼ିଗ୍ରୀ
ପାରାଦୀପ: ୩୩.୪ ଡ଼ିଗ୍ରୀ
ଏପରିକି ଆଗାମୀ 24 ଘଣ୍ଟାରେ ଅତ୍ୟଧିକ ଗ୍ରୀଷ୍ମ ପ୍ରବାହ ନେଇ କେନ୍ଦୁଝର, ମୟୂରଭଞ୍ଜ, ଅନୁଗୁଳ, ଢେଙ୍କାନାଳ, ଝାରସୁଗୁଡ଼ା, ସୁନ୍ଦରଗଡ଼, ସମ୍ବଲପୁର, ବରଗଡ଼, ଦେବଗଡ଼, ସୋନପୁର, ବୌଦ୍ଧ, ବଲାଙ୍ଗିର, କଟକ, ଖୋର୍ଦ୍ଧା ଓ ନୟାଗଡ଼ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଦିଆଯାଇଛି । ସେହିଭଳି ହିଟ୍ ୱେଭ୍ ନେଇ ନୂଆପଡ଼ା, କଳାହାଣ୍ଡି, କନ୍ଧମାଳ, ଗଞ୍ଜାମ, ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା, ଯାଜପୁର, ଜଗତସିଂହପୁର ଓ ପୁରୀ ଜିଲ୍ଲାକୁ ୟେଲୋ ଆଲର୍ଟ ଦିଆଯାଇଛି ।
Click it and Unblock the Notifications
Sign in with Google