ମୁକୁଳା ପଡିଲା ବେଦୀ : ବାହାଘର ଦିନ ଫୋନ ଆସିଲା ‘ବର କରୋନା ପଜିଟିଭ୍'
ବାହାଘର ପାଇଁ ସବୁ ପ୍ରକାରର ପ୍ରସ୍ତୁତି ସରିଥିଲା। ଉଭୟ ବର ଏବଂ କନ୍ୟା ପ୍ରସ୍ତୁତ । ବେଦି ମଧ୍ୟ ପ୍ରସ୍ତୁତ ହୋଇ ରହିଥିଲା। ସମସ୍ତ ବନ୍ଧୁ ବାନ୍ଧବ ହସ ଖୁସିରେ ଥିଲେ। ଆଉ ଏହି ସମୟରେ ଖବର ଆସିଲା ‘ବର କରୋନା ପଜିଟିଭ୍'।
ସାନଖେମୁଣ୍ଡି : ବାହାଘର ପାଇଁ ସବୁ ପ୍ରକାରର ପ୍ରସ୍ତୁତି ସରିଥିଲା। ଉଭୟ ବର ଏବଂ କନ୍ୟା ପ୍ରସ୍ତୁତ । ବେଦି ମଧ୍ୟ ପ୍ରସ୍ତୁତ ହୋଇ ରହିଥିଲା। ସମସ୍ତ ବନ୍ଧୁ ବାନ୍ଧବ ହସ ଖୁସିରେ ଥିଲେ। ଆଉ ଏହି ସମୟରେ ଖବର ଆସିଲା 'ବର କରୋନା ପଜିଟିଭ୍'। ହଠାତ ଚାରିଆଡ଼େ ହୋଇଗଲା ଶୂନଶାନ । ସ୍ୱାସ୍ଥ୍ୟ ବିଭାଗଠାରୁ ଖବର ପାଇ ପ୍ରଶାସନିକ ଅଧିକାରୀମାନେ ବର ଘରେ ପହଞ୍ଚି ଯାଇଥିଲେ । ଏହି ଘଟଣାଟି ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ଦସେଇପୁର ଗାଁରେ ଘଟିଛି । ବର୍ତ୍ତମାନ ଉଭୟ କନ୍ୟା ଓ ବର ହୋମ ଆଇସୋଲେସନରେ ରହିଥିବା ଜଣାପଡ଼ିଛି ।
ଦସେଇପୁର ଗ୍ରାମରେ ରାଜେନ୍ଦ୍ର ଦଣ୍ଡିଆଙ୍କ ବାହାଘର ଥିଲା। କୋଭିଡ୍ ନିୟମ ଉଲ୍ଲଂଘନ କରି ପ୍ରାୟ ୪ ଶହ ଲୋକଙ୍କ ପାଇଁ ଭୋଜିର ଆୟୋଜନ ମଧ୍ୟ କରାଯାଇଥିଲା । ଏପରିକି ସ୍ୱାସ୍ଥ୍ୟ ଟିମର ଡାକ୍ତର ବରକୁ ପଜିଟିଭ ବୋଲି ଫୋନ କରି ଜଣାଇଥିଲେ ମଧ୍ୟ ପରିବାରବର୍ଗ ଏହି କଥାକୁ ବେଖାତିର କରିଥିଲେ । ଫଳରେ ସ୍ୱାସ୍ଥ୍ୟ ଟିମ୍ ଏନେଇ ପ୍ରଶାସନର ଦୃଷ୍ଟି ଆକର୍ଷଣ କରିବା ପରେ ବିଡିଓ, ତହସିଲଦାର ଓ ଆଇଆଇସି ବର ଘରେ ପହଞ୍ଚିଥିଲେ ।
Click it and Unblock the Notifications
Sign in with Google