ରାଜ୍ୟରେ ଆଉ 28 ଜିଲ୍ଲା ଗଠନ ପାଇଁ ଆସିଛି ଦାବି, ଏହି ସବୁ ଜିଲ୍ଲାରୁ ମିଳିଛି ଦାବି

Published: Wednesday, February 7, 2024, 16:03 [IST]

ଭୁବନେଶ୍ୱର: ରାଜ୍ୟରେ ଆଉ 28 ନୂଆ ଜିଲ୍ଲା ଗଠନ ନେଇ ଆସfଛି ଦାବି ପତ୍ର । ଏହା ପରେ ସମସ୍ତ ମାନଦଣ୍ଡକୁ ବିଚାରକୁ ନେଇ ପ୍ରଚଳିତ ନୀତିନିୟମ ଆଧାରରେ ଉପଯୁକ୍ତ ସମୟରେ ନୂଆ ଜିଲ୍ଲା ଗଠନ କରିବା ପାଇଁ ଦାବି ଉପରେ ସରକାର ଉପଯୁକ୍ତ ପଦକ୍ଷେପ ଗ୍ରହଣ କରିବେ । ଏ ନେଇ ସୂଚନା ଦେଇଛନ୍ତି ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁଦାମ ମାର୍ଣ୍ଡି ।

ରାଜ୍ୟରେ ଆଉ 28 ଟି ନୂଆ ଜିଲ୍ଲା ଗଠନ ପାଇଁ ଦାବିପତ୍ର ଆସିଛି । ବିଧାନସଭାରେ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜାଙ୍କ ପ୍ରଶ୍ନରେ ଏହି ଉତ୍ତର ରଖିଛନ୍ତି ରାଜସ୍ୱ ମନ୍ତ୍ରୀ ସୁଦାମ ମାର୍ଣ୍ଡି ।

ପଦ୍ମପୁର, ଧର୍ମଗଡ଼ ଓ କଣ୍ଟାବାଞ୍ଜି ସହ 28 ନୂଆ ଜିଳ୍ଲା ପାଇଁ ଦାବି ହୋଇଛି । ମୟୂରଭଞ୍ଜ ଜିଲ୍ଲାକୁ ଭାଙ୍ଗି 5 ଟି ଜିଲ୍ଲା କରିବା ପାଇଁ ଦାବି ହୋଇଛି । ମୟୁରକ୍ଷଞ୍ଜ, ପଶ୍ଚିମ ମୟୂରଭଞ୍ଜ, ରାଇରଙ୍ଗପୁର, ଖିଚିଂ ଓ କରଞ୍ଜିଆ ଜିଲ୍ଲା କରିବାକୁ ଦାବି ହୋଇଛି । ସେହିପରି ଗଞ୍ଜାମ ଜିଲ୍ଲାକୁ ମଧ୍ୟ ଭାଙ୍ଗି 5ଟି ଜିଲ୍ଲା କରିବା ପାଇଁ ଦାବି ସରକାରଙ୍କୁ ମିଳିଛି ।

ସେହିପରି ବାଲେଶ୍ୱରକୁ ଭାଙ୍ଗି 4ଟି, ବଲାଙ୍ଗିର ଜିଲ୍ଲାକୁ 4ଟି ଏବଂ କଟକ ଓ ଅନୁଗୁଳ ଜିଲ୍ଲାକୁ ଭାଙ୍ଗି 3 ଟି ଲେଖାଏଁ ଜିଲ୍ଲା କରିବା ପାଇଁ ସରକାରଙ୍କ ନିକଟରେ ଦାବି ହୋଇଛି । ତେବେ ଏନେଇ ଉପଯୁକ୍ତ ସମୟରେ ପଦକ୍ଷେପ ନିଆଯିବ ସନ୍ତୋଷ ସିଂ ସାଲୁଜାଙ୍କ ପ୍ରଶ୍ନରେ ବିଧାନସଭାରେ ଉତ୍ତର ରଖିଛନ୍ତି ରାଜସ୍ୱ ମନ୍ତ୍ରୀ ସୁଦାମ ମାର୍ଣ୍ଡି ।

Published On February 7, 2024