ସରିଲା ଢ଼େଙ୍କାନାଳ ପ୍ରସିଦ୍ଧ ଗଜ ଲକ୍ଷ୍ମୀ ପୂଜା: ଆଜି ଭସାଣ ଉତ୍ସବ

Updated: Wednesday, November 8, 2023, 14:28 [IST]

ସରିଲା ଢ଼େଙ୍କାନାଳ ପ୍ରସିଦ୍ଧ ଗଜ ଲକ୍ଷ୍ମୀ ପୂଜା । ଆଜି ଭସାଣ ଉତ୍ସବ । ଏଗାର ଦିନର ପୂଜା ପରେ ଧରାପୃଷ୍ଠୁରୁ ବିଦାୟ ନେବେ ମା ଧନଦାତ୍ରି ।ଦୀର୍ଘ ଏଗାର ଦିନ ଧରି ମୋଟ ୩୮ ଗୋଟି ପୂଜା ମଣ୍ଡପ ରେ ପୂଜା ପାଉଥିଲେ ମା।

ଭସାଣକୁ ଶାନ୍ତି ଶୃଙ୍ଖଳାର ସହ କରିବା ନେଇ ପ୍ରଶାସନ ଓ ପୋଲିସ ପକ୍ଷରୁ ପ୍ରସ୍ତୁତି କରାଯାଇଛି । ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି । ସକାଳୁ ସମସ୍ତ ମେଢ଼ ମଣ୍ଡପରୁ ବାହାରିଛନ୍ତି ।

ପ୍ରଥମେ ରାଜନଅର ପାଖରେ ସବୁ ମେଢ଼ ଏକତ୍ର ହେବାପରେ ଭସାଣୀ ଶୋଭାଯାତ୍ରା ଆରମ୍ଭ କରାଯିବ। ରାତ୍ର ୧୧ ଟା ମଧ୍ୟରେ ସମସ୍ତ ମୂର୍ତ୍ତି ବିସର୍ଜନ ହେବା ସହ ଡିଜେକୁ ପ୍ରଶାସନ ପକ୍ଷରୁ ଵ୍ୟାନ କରାଯାଇଛି ।