ଝାରସୁଗୁଡ଼ାରୁ ମୁମ୍ବାଇ ଓ ବେଙ୍ଗାଳୁରୁ ଉଡ଼ିବ ବିମାନ
ଝାରସୁଗୁଡା ବୀରସୁରେନ୍ଦ୍ର ସାଏ ବିମାନ ବନ୍ଦରରୁ ଜାନୁଆରୀ 12 ତାରିଖରୁ ମୁମ୍ବାଇ ଓ ବେଙ୍ଗାଲୁରୁ ଉଡ଼ିବ ବିମାନ । ଏନେଇ ନର୍ଦେଶକ କିଶୋର ସେନାପତି ସୂଚନା ଦେଇଛନ୍ତି । ଏହି ବିମାନ ସେବା ସପ୍ତାହରେ ଚାରିଦିନ ରହିବ ।
ଝାରସୁଗୁଡ଼ା : ଝାରସୁଗୁଡା ବୀରସୁରେନ୍ଦ୍ର ସାଏ ବିମାନ ବନ୍ଦରରୁ ଜାନୁଆରୀ 12 ତାରିଖରୁ ମୁମ୍ବାଇ ଓ ବେଙ୍ଗାଲୁରୁ ଉଡ଼ିବ ବିମାନ । ଏନେଇ ନର୍ଦେଶକ କିଶୋର ସେନାପତି ସୂଚନା ଦେଇଛନ୍ତି । ଏହି ବିମାନ ସେବା ସପ୍ତାହରେ ଚାରିଦିନ ରହିବ ।
ଝାରସୁଗୁଡା ବିମାନ ବନ୍ଦରରୁ ଉଡାଣ ଭରିବା ପାଇଁ ଟାଇମ ସ୍ଲଟ ମାଗିଛି ସ୍ପାଇସଜେଟ୍ ବିମାନ କର୍ତ୍ତୃପକ୍ଷ । ସୋମବାର, ବୁଧବାର, ଶୁକ୍ରବାର ଓ ଶନିବାର ସପ୍ତାହକୁ ଚାରିଦିନ ଚଳାଚଳ କରିବା ପାଇଁ ଟାଇମ ସ୍ଲଟ ମଗାଯାଇଛି । ଏନେଇ ଝାରସୁଗୁଡା ବିମାନ ବନ୍ଦର ପକ୍ଷରୁ ବି ଅନୁମତି ପ୍ରଦାନ କରାଯାଇଛି । ପୂବର୍ରୁ ମାର୍ଚ୍ଚ ସମର ସିଡ୍ୟୁଲରେ ବିମାନ ଚଳାଚଳ କରିବା ପାଇଁ ସ୍ପାଇସ ଜେଟ ଅନୁମତି ପାଇ ସାରିଛି । ତେବେ ଜାନୁଆରି କି ମାର୍ଚ୍ଚରେ ବିମାନ ଚଳାଚଳ ନେଇ ସ୍ପାଇସଜେଟ କର୍ତ୍ତୃପକ୍ଷ ନିଷ୍ପତ୍ତି ନେବ ।
ଏନେଇ ମୁଖ୍ୟମନ୍ତ୍ରୀ ଟ୍ୱିଟ୍ କରି ଖୁସି ପ୍ରକାଶ କରିଛନ୍ତି । ସେ ଟ୍ୱିଟ୍ କରି ଲେଖିଛନ୍ତି, 'ବୀର ସୁରେନ୍ଦ୍ର ସାଏ ବିମାନ ବନ୍ଦର, ଝାରସୁଗୁଡାରୁ ମୁମ୍ବାଇ ଓ ବାଙ୍ଗାଲୁରୁକୁ @flyspicejet ର ବିମାନ ସେବା ଆରମ୍ଭ ହେବା ଖବର ଅତ୍ୟନ୍ତ ଖୁସିର ବିଷୟ। ଓଡ଼ିଶାବାସୀଙ୍କ ପାଇଁ ଉତ୍ତମ ଗମନାଗମନ ଓ ଯୋଗାଯୋଗର ମାର୍ଗ ପ୍ରଶସ୍ତ କରିବା ସହ ଅର୍ଥନୈତିକ ଅଭିବୃଦ୍ଧିରେ ଏହା ମହତ୍ୱପୂର୍ଣ୍ଣ ଭୂମିକା ତୁଲାଇବ।'
ବୀର ସୁରେନ୍ଦ୍ର ସାଏ ବିମାନ ବନ୍ଦର, ଝାରସୁଗୁଡାରୁ ମୁମ୍ବାଇ ଓ ବାଙ୍ଗାଲୁରୁକୁ @flyspicejet ର ବିମାନ ସେବା ଆରମ୍ଭ ହେବା ଖବର ଅତ୍ୟନ୍ତ ଖୁସିର ବିଷୟ। ଓଡ଼ିଶାବାସୀଙ୍କ ପାଇଁ ଉତ୍ତମ ଗମନାଗମନ ଓ ଯୋଗାଯୋଗର ମାର୍ଗ ପ୍ରଶସ୍ତ କରିବା ସହ ଅର୍ଥନୈତିକ ଅଭିବୃଦ୍ଧିରେ ଏହା ମହତ୍ୱପୂର୍ଣ୍ଣ ଭୂମିକା ତୁଲାଇବ।
— Naveen Patnaik (@Naveen_Odisha) January 2, 2021
ଦୀର୍ଘ ଦିନରୁ ଝାରସୁଗୁଡ଼ାରୁ ମୁମ୍ବାଇ ଓ ବେଙ୍ଗଲୁରୁ ଭଳିଆ ସିଟିକୁ ବିମାନ ଚଳାଚଳ ପାଇଁ ଲୋକେ ଦାବି କରିଆସୁଥିଲେ । ଏହାକୁ ଆଧାରକରି ବେସମାରିକ ବିମାନ ଚଳାଚଳ ମନ୍ତ୍ରାଳୟ ଉଡ଼ାନ ସ୍କିମ ଜରିଆରେ ଝାରସୁଗୁଡ଼ାରୁ ବିମାନ ଚଳାଚଳ କରିବାକୁ ଯୋଜନା ମଧ୍ୟ କରିଥିଲା । ହେଲେ କୋଭିଡ୍ ପାଇଁ ଏହା ଅଟକି ରହିଥିଲା ।
Click it and Unblock the Notifications
Sign in with Google