ରଙ୍ଗେଈଲୁଣ୍ଡା ବିମାନ ବନ୍ଦର ର ସମୀକ୍ଷା କଲେ ପରିବହନ ସଚିବ ଉଷା ପାଢ଼ୀ, 7 ଦଫା ଦାବି ପତ୍ର ଦେଲା ଓଡିଶା ଡେଭଲପମେଣ୍ଟ ଫୋରମ

ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜୟନ୍ତୀ ତଥା ପଞ୍ଚାୟତରାଜ ଦିବସ ଅବସରରେ ରଙ୍ଗେଇ ଲୁଣ୍ଡା ବିମାନଘାଟିରୁ ଉଡିବ ବିମାନ । 5 ତାରିଖରୁ ବିମାନ ଚଳାଚଳ ପାଇଁ ଚୂଡାନ୍ତ ନିଷ୍ପତ୍ତି ନିଆଯାଇଛି ।

ବ୍ରହ୍ମପୁର : ଆସନ୍ତାକାଲି ଠାରୁ ରଙ୍ଗେଇଲୁଣ୍ଡାରୁ ଉଡିବ ବିମାନ । ଏ ନେଇ ସମସ୍ତ ପ୍ରସ୍ତୁତି ସରିଛି । ଗତକାଲି ରାଜ୍ୟ ବାଣିଜ୍ୟ ଓ ପରିବହନ ବିଭାଗ ପ୍ରମୁଖ ସଚିବ ଉଷା ପାଢୀ ଓ ମୁଖ୍ୟ ଯନ୍ତ୍ରୀ ତାରା ପ୍ରସାଦ ମିଶ୍ର ରଙ୍ଗେଇଲୁଣ୍ଡା ବମାନ ଘାଟିର ସ୍ଥିତି ଅନୁଧ୍ୟାନ କରିଛନ୍ତି । ବିମାନ ଘାଟି ଟର୍ମିନାଲ୍ କାମ, ରନ୍ ୱେ ର ସ୍ଥିତି ମଧ୍ୟ ଅନୁଧ୍ୟାନ କରିଛନ୍ତି । ଏ ନେଇ ସେ ବିଭାଗୀୟ ଅଧିକାରୀଙ୍କ ସହ ଆଲୋଚନା ମଧ୍ୟ କରିଛନ୍ତି ।

ଏହି ଅବସରରେ ପରିବହନ ସଚିବ ସୂଚନା ଦେଇଥିଲେ ଯେ ତିନୋଟି ପର୍ଯ୍ୟାୟ ରେ ବ୍ରହ୍ମପୁର ବିମାନ ବନ୍ଦରର ବିକାଶ କରାଯିବ I ପ୍ରଥମେ ନନ-ସେଡୁଲ ବିମାନ ଓ ଭିତ୍ତିଭୂମି ନିର୍ମାଣ ହେବ ପରେ ସେଡୁଲ-ବିମାନ ଚାଲିବା ବ୍ୟବସ୍ଥା କରାଯିବ ଓ ତୃତୀୟ ପର୍ଯ୍ୟାୟ ରେ ପୂର୍ଣ୍ଣ ବିକାଶ ହେବ ।

ଏହି ସମୟରେ ଓଡିଶା ଡେଭଲପମେଣ୍ଟ ଫୋରମ ସଦସ୍ୟ ରଙ୍ଗେଈଲୁଣ୍ଡା ଠାରେ ପରିବହନ ସଚିବ ଓ ଗଞ୍ଜାମ ଜିଲ୍ଲାପାଳ ଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି I ଓଡିଶା ଡେଭଲପମେଣ୍ଟ ଫୋରମ ର ସଦସ୍ୟ 7 ଦଫା ଦାବି ପ୍ରଦାନ କରି ସୂଚନା ଦେଇଥିଲେ ଯେ ଓଡ଼ିଶା ସରକାର 2012 ମସିହାରେ ବ୍ରହ୍ମପୁର ରୁ ଭୁବନେଶ୍ବର ବିମାନ ଚଳାଇଥିଲେ କିନ୍ତୁ କମ୍ ପଇସାରେ ଭୁବନେଶ୍ୱର ରେ ଏଠିକାର ଜନସାଧାରଣ ପହଞ୍ଚି ପାରୁଥିବାରୁ ବ୍ରହ୍ମପୁର-ଭୁବନେଶ୍ୱର ବିମାନ ଚଳାଚଳ ସଫଳ ହେଲା ନାହିଁ । ବର୍ତ୍ତମାନ ଦୀର୍ଘ 10 ବର୍ଷ ପରେ ଏହି ଭୁଲ ର ପୁନରାବୃତ୍ତି ନକରିବା ପାଇଁ ଅନୁରୋଧ କରିବା ସହ-
ରଙ୍ଗେଈଲୁଣ୍ଡା ର ନାଁ କୁ ଯଥାଶୀଘ୍ର ବ୍ରହ୍ମପୁର ବିମାନ ବନ୍ଦର କରିବା ।

ସେହିଭଳି ପଡୋଶୀ ପଶ୍ଚିମବଙ୍ଗ, ଆନ୍ଧ୍ର ରୁ ଲକ୍ଷାଧିକ ପର୍ଯ୍ୟଟକ ମା' ତାରା ତାରିଣୀ ଶକ୍ତିପୀଠ, ଗୋପାଳପୁର, ଚିଲିକା, ଦାରିଙ୍ଗିବାଡି, ଜୀରାଙ୍ଗ କୁ ଆସୁଥିବା ବେଳେ; ବ୍ରହ୍ମପୁର ଓ ଦକ୍ଷିଣରୁ ହଜାର ହଜାର ବ୍ୟବସାୟୀ ଓ ଜନତା ପ୍ରତିଦିନ ବିଶାଖାପାଟଣା ଓ ହାଇଦ୍ରାବାଦ ଉପରେ ନିର୍ଭରଶୀଳ ଥିବାରୁ ଏହି ଅଂଚଳ କୁ ଦୈନିକ ବିମାନର ବ୍ୟବସ୍ଥା ସଫଳ ହେବ ।

ତେଣୁ ବ୍ରହ୍ମପୁର ରୁ କେବଳ ଭୁବନେଶ୍ୱର କୁ ବିମାନ ନ ଚଲାଇ, ହାଇଦ୍ରାବାଦ, କୋଲକାତା ଓ ବିଶାଖାପାଟଣା କୁ ଯଥା ଶୀଘ୍ର ବିମାନ ସେବା ଯୋଗାଇ ଦେବା ପାଇଁ ଅନୁରୋଧ କରାଯାଇ ଥିଲା ।

ଭୁବନେଶ୍ୱର ଓ ବିଶାଖାପାଟଣା କୁ ଚାଲିବାକୁ ଥିବା ବିମାନ କୁ 'ଲିଙ୍କ ବିମାନ' ଭାବେ ଚଲାଯିବା (ଯାହାଫଳରେ ଏହି ଦୁଇ ବିମାନ ବନ୍ଦର ମାଧ୍ୟମରେ ବ୍ରହ୍ମପୁର ରୁ ଚେକ୍-ଇନ୍ କରି ଯେକୌଣସି ବଡ ସହର କୁ ବିମାନ ଯାତ୍ରା କରିହେବ।)

ରଙ୍ଗେଈଲୁଣ୍ଡା ରେ ଭିତ୍ତିଭୂମି ର ବିକାଶ କରିବା ସହ ATR -72 ବିମାନ ଉଡ଼ିବା ର ଶୀଘ୍ର ବ୍ୟବସ୍ଥା କରିବା ।

ବ୍ରହ୍ମପୁର ଠାରେ ଏକ ସବୁଦିନିଆ ଗ୍ରୀନ ଫିଲ୍ଡ ଯାତ୍ରୀବାହୀ ଓ କାର୍ଗୋ ବିମାନ ବନ୍ଦର ପ୍ରତିଷ୍ଠା ପାଇଁ ନୂଆଁ ଜାଗା ଅତି ଶୀଘ୍ର ଚିହ୍ନଟ କରିବାକୁ ଦାବି କରାଯାଇଥିଲା ।

ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜୟନ୍ତୀ ତଥା ପଞ୍ଚାୟତରାଜ ଦିବସ ଅବସରରେ ରଙ୍ଗେଇ ଲୁଣ୍ଡା ବିମାନଘାଟିରୁ ଉଡିବ ବିମାନ । 5 ତାରିଖରୁ ବିମାନ ଚଳାଚଳ ପାଇଁ ଚୂଡାନ୍ତ ନିଷ୍ପତ୍ତି ନିଆଯାଇଛି । ତେବେ ନିୟମିତ ଭାବେ କେବେଠାରୁ ବିମାନ ଉଡିବ ସେ ନେଇ ନିଷ୍ପତ୍ତି ନିଆଯାଇ ନାହିଁ । ଏ ନିଷ୍ପତ୍ତି ଜିଲ୍ଲା ପ୍ରଶାସନ ନେବ ବୋଲି ସଚିବ କହିଛନ୍ତି ।

English summary

Flight Service To Start From Rangeilunda