କଟକ ବନ୍ୟା ସମାଚାର: ମୁଣ୍ଡୁଳିରେ ପହଞ୍ଚିଲା ପ୍ରଥମ ବନ୍ୟାଜଳ

ମୁଣ୍ଡୁଳିରେ ବନ୍ୟାଜଳ : କଟକ ଜିଲ୍ଲା ମୁଣ୍ଡୁଳିରେ ପହଞ୍ଚିଲା ପ୍ରଥମ ବନ୍ୟାଜଳ । ଏହା ସହିତ ମହାନଦୀରେ ବଢିବାରେ ଲାଗିଛି ଜଳସ୍ତର । ହୀରାକୁଦ ଡ୍ୟାମ୍ ରୁ ପର୍ଯ୍ୟାୟ କ୍ରମେ ଗେଟ୍ ଖୋଲାଯିବା ପରେ ପ୍ରଥମ ବନ୍ୟାଜଳ ନିଷ୍କାସନ କରାଯାଇଥିଲା । ରବିବାର ହୀରାକୁଦରୁ ନିଷ୍କାସିତ ହୋଇଥିବା ବନ୍ୟାଜଳ ଆଜି ମୁଣ୍ଡୁଳି ପହଞ୍ଚିଛି ।

ବର୍ତ୍ତମାନ ମୁଣ୍ଡୁଳି ନିକଟରେ ସେକେଣ୍ଡକୁ 90 ହଜାର କ୍ୟୁସେକ୍ ଜଳ ପ୍ରବାହିତ ହେଉଛି । ଅପ୍ ଷ୍ଟ୍ରିମରେ 70.9 ଫୁଟ୍ ରହିଥିବା ବେଳେ ଡାଉନ୍ ଷ୍ଟ୍ରିମରେ 70.5 ଫୁଟ୍ ରହିଛି ।

ସୂଚନା ଥାଉକି, ରବିବାର ଦିନ ହୀରାକୁଦରୁ ଚଳିତ ବର୍ଷର ପ୍ରଥମ ବନ୍ୟାଜଳ ନିଷ୍କାସନ କରିବାକୁ 5 ଟି ଗେଟ୍ ଖୋଲାଯାଇଥିଲା । ଏହା ପରେ ପର୍ଯ୍ୟାୟକ୍ରମେ 3 ଟି ଓ 4 ଟି ଗେଟ୍ ଖୋଲାଯାଇଛି । ବର୍ତ୍ତମାନ ମୋଟ୍ 12 ଟି ଗେଟ୍ ଦେଇ ହୀରାକୁଦରୁ ବନ୍ୟାଜଳ ନିଷ୍କାସନ ହେଉଛି । ଉପର ମୁଣ୍ଡରେ ବର୍ଷା ଲାଗି ରହିଲେ ଆଗାମୀ ଦିନରେ ଅଧିକ ଗେଟ୍ ଖୋଲାଯାଇପାରେ ।

English summary

First Flood Water Reaches Mundali barrage Cuttack