ଡାକ୍ତରଖାନାରେ ନକଲି ଡାକ୍ତର, ନିଜେ ନିଜେ ଲେଖିଦେଲେ ପ୍ରେସକ୍ରିପସନ୍
ବାଲେଶ୍ୱର: ଡାକ୍ତରଖାନାରେ ପଶିଲେ । ରୋଗୀ ଦେଖି ପ୍ରେସକ୍ରିପସନ୍ ବି ଲେଖିଲେ । କିଛି ସମୟ ପରେ ସନ୍ଦେହ ହେବାରୁ ଧରା ପଡ଼ିଲେ ନକଲି ଡାକ୍ତର । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ୱର ମେଡିକାଲ କଲେଜ ହସ୍ପିଟାଲରେ ।
ସୂଚନା ଅନୁଯାୟୀ, ନକଲି ଡାକ୍ତର ଜଣଙ୍କ ଆଜି ସକାଳେ ମେଡ଼ିସିନ ୱାର୍ଡରେ ଭିତରେ ରୋଗୀ ଦେଖି ମେଡିସିନ୍ ଲେଖୁଥିଲେ । ଅନ୍ୟ ମେଡିକାଲ କର୍ମଚାରୀ ତାଙ୍କୁ ଦେଖି ସନ୍ଦେହ ବଢ଼ିଥିଲା । ଏନେଇ ଡାକ୍ତରଖାନାରେ ଥିବା ସିକ୍ୟୁରିଟି ଗାର୍ଡଙ୍କୁ ଜଣାଇଥିଲେ । ସିକ୍ୟୁରିଟି ଗାର୍ଡ ନକଲି ଡାକ୍ତରଙ୍କୁ ପଚରାଉଚରା କରିଥିଲେ । ଏନେଇ ନକଲି ଡାକ୍ତର ଓ ସିକ୍ୟୁରିଟି ଗାର୍ଡ ମଧ୍ୟରେ ପାଟିତୁଣ୍ଡ ହୋଇଥିଲା ।
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ପରେ ନକଲି ଡାକ୍ତରଙ୍କୁ ଧରି ଥାନାକୁ ଆଣିଥିଲା । ନକଲି ଡାକ୍ତରକୁ ପଚରାଉଚରା କରିଛି ।
ନିଜ ବାପା ମାଆଙ୍କୁ ମେଡିକାଲ ନେଇ ଯାଇଥିବା ବେଳେ ନିଜେ ପ୍ରେସକ୍ରିପସନରେ ବିଭିନ୍ନ ଟେଷ୍ଟ କରିବାକୁ ଲେଖିଥିଲେ । ତେବେ ନିଜ ବାପା ମାଆଙ୍କ ଯନ୍ତ୍ରଣା ସହିନପାରି ଏହିଭଳି କାମ କରିଥିବା ନିଜ ପ୍ରତିକ୍ରିୟାରେ କହିଛନ୍ତି ନକଲି ଡାକ୍ତର ଅଜୟ ଭଞ୍ଜ ।
ଟିକେଟ କାଉଣ୍ଟରରେ ପ୍ରବଳ ଭିଡ ଥିବାରୁ ସେ ନିଜେ ଆଉଟଡୋରରେ ଟିକେଟ କରି ସେଥିରେ କିଛି ପରୀକ୍ଷା ଓ ଔଷଧ ନାଁ ଲେଖି ଡାକ୍ତରଙ୍କ ବଦଳରେ ନିଜେ ଦସ୍ତଖତ କରିଦେଇଥିଲେ । ଯାହାକି ପରେ ମେଡିକାଲ କର୍ମଚାରୀ ମାନେ ଜାଣିପାରି ପୋଲିସକୁ ଖବର ଦେଇଥିଲେ । ଟାଉନ ଥାନାରେ ପୁଲିସ ଅଜୟଙ୍କୁ ଅଟକ ରଖି ପଚରାଉଚୁରା କରୁଛି । ସେପଟେ ଅଟକ ଥିବା ଯୁବକ ଜଣକ ମେଡିସିନ୍ ରିପ୍ରେଜେଂଟେଟିଭ ବୋଲି ଜଣାପଡିଛି ।
Click it and Unblock the Notifications
Sign in with Google