ରାଜଧାନୀରେ ଭୟଙ୍କର ବିସ୍ପୋରଣ, ଉଡ଼ିଲା ଛାତ... ଭାଙ୍ଗିଲା କାନ୍ଥ

ଭୁବନେଶ୍ୱର: ରାଜଧାନୀରେ ହେଲା ବିସ୍ପୋରଣ । ଭୟଙ୍କର ବିସ୍ଫୋରଣରେ ଥରିଲା ଝାରପଡା ଅଞ୍ଚଳ । ବିସ୍ଫୋରଣରେ ଛାତ ଉଡ଼ିଯାଇଥିବା ବେଳେ କାନ୍ଥ ଭୁଶୁଡ଼ିପଡ଼ିଛି । ଏଥିରେ ଝାରପଡା ଅଞ୍ଚଳର କବିରାଜ ସ୍ୱାଇଁ ଆହତ ହୋଇଛନ୍ତି । ପୂର୍ବ ଶତ୍ରୁତାରୁ ବୋମାମାଡ଼ ହୋଇଥିବା ନେଇ ଥାନାରେ ଏତଲା ଦିଆଯାଇଛି ।

ଗତକାଲି ରାତିରେ ଏଭଳି ଘଟଣା ଘଟିଛି । ଅନ୍ୟପଟେ ବୋମାମାଡ଼ ଅଭିଯୋଗକୁ ପୋଲିସ ଖଣ୍ଡନ କରିଛି । ଘର ଭିତରେ ବ୍ୟାପକ ପରିମାଣର ଡିଓଡ୍ରାଣ୍ଟ ଥିବାରୁ ବିସ୍ଫୋରଣ ହୋଇଥିବା ସନ୍ଦେହ କରାଯାଉଛି । ପାରିପାର୍ଶ୍ୱିକ ପରିସ୍ଥିତି ଓ ଘଟଣାସ୍ଥଳରେ ଲକ୍ଷ୍ମୀସାଗର ଥାନା ପୋଲିସ ପହଞ୍ଚି ଛାନଭିନ୍ କରୁଛି ।

ମିଳିଥିବା ସୂଚନା ମୁତାବକ ଏହି ଘରେ ଏକ ଘରୋଇ ସଂସ୍ଥା ନିଜ ବ୍ୟବସାୟ ଚଲାଇଥିଲେ । ତେବେ ଘର ଭଡ଼ାକୁ ନେଇ ମାଲିକଙ୍କ ସହ ବିବାଦ ଥିଲା । ସେପଟେ ବୋମାମାଡ଼କୁ ପୋଲିସ୍ ଖଣ୍ଡନ କରିଥିବା ବେଳେ ଘର ଭିତରେ ବ୍ୟାପକ ପରିମାଣର ଡିଓଡ୍ରାଣ୍ଟ୍ ଥିଲା । ତେବେ ପୁରା ଘଟଣାର ଏବେ ତଦନ୍ତ ଚାଲିଥିବା କହିଛି । ସ୍ଥାନୀୟ ଲୋକଙ୍କ କହିବାନୁଯାୟୀ ଘଟଣାଟି ରାତି ପ୍ରାୟ 11.45 ମିନିଟ୍‌ ବେଳକୁ ହୋଇଥିଲା । ହଠାତ୍‌ ବୋମା ମାଡ଼ ହେଲା ଭଳି ଶବ୍ଦ ହୋଇଥିଲା । ଘରଟି ହୁ ହୁ ହୋଇ ଜଳୁଥିବାରୁ ଅଗ୍ନିଶମ ଗାଡ଼ି ଆସି ନିଆଁକୁ ଆୟତ୍ତ କରିଥିଲା ।

ତେବେ ବୋମାମାଡ଼ ହୋଇଛି କି ନାହିଁ ତାହା ଏଯାଏଁ ସ୍ପଷ୍ଟ ହୋଇନାହିଁ । କାରଣ ଘରେ ଡିଓଡ୍ରାଣ୍ଟ ଥିବାରୁ ସଟ୍‌ ସର୍କିଟ ହୋଇଥିବା ନେଇ ମଧ୍ୟ ସନ୍ଦେହ କରାଯାଉଛି । କିନ୍ତୁ ଘରର କାନ୍ଥ ଗୁଡ଼ିକ ଭାଙ୍ଗି ଯାଇଥିବାରୁ ବୋମାମାଡ଼ ହୋଇଥିବା କୁହାଯାଉଛି ।

English summary

Explosion occurred in Jharpada area of Bhubaneswar