ପୁଣି ଫେରିଲେ ସାରଥୀ ! ଜନ୍ମାଷ୍ଟମୀରେ ଅନୁଗତଙ୍କ ପୂଜାର୍ଚ୍ଚନା

Published: Thursday, September 7, 2023, 18:29 [IST]

ପୁଣି ଫେରିଲେ ଆତ୍ମଘୋଷିତ ବାବା ସାରଥୀ ! ଜନ୍ମାଷ୍ଟମୀରେ ଅନୁଗତ କଲେ ପୂଜାର୍ଚ୍ଚନା । ସିଂହାସନରେ ଭଗବାନ ଶ୍ରୀକୃଷ୍ଣଙ୍କ ମୂର୍ତ୍ତି ସହ ସାରଥୀଙ୍କ ଫଟୋ ରଖି ପୂଜାର୍ଚ୍ଚନା କରାଯାଉଥିବା ଦେଖିବାକୁ ମିଳିଛି ।

ଜନ୍ମାଷ୍ଟମୀରେ ସାରଥୀଙ୍କୁ ପୂଜାର୍ଚ୍ଚନା କରିଛନ୍ତି ଅନୁଗତ । କେନ୍ଦ୍ରାପଡ଼ା ଜିଲ୍ଲା ବାରିମୂଳରେ ସାରଥୀ ଓରଫ ସନ୍ତୋଷ ରାଉଳଙ୍କ ଅନୁଗତ ପୂଜାର୍ଚ୍ଚନା କରିଛନ୍ତି । ସାରଥୀଙ୍କ କିଛି ଅନୁଗତ ଏକାଠି ହୋଇ ଆଧ୍ୟାତ୍ମିକ କାର୍ଯ୍ୟକ୍ରମ ଆୟୋଜନ କରିଛନ୍ତି । ଏହା ସହିତ ହୋମ ଯଜ୍ଞ ମଧ୍ୟ କରିଛନ୍ତି ।

ସେହିପରି ପାରାଦ୍ୱୀପ ପିପ୍ପଳ ଗାଁରେ ମଧ୍ୟ ନନ୍ଦ ଉତ୍ସବରେ ସିଂହାସନରେ ଶ୍ରୀକୃଷ୍ଣଙ୍କ ମୂର୍ତ୍ତି ସହ ସାରଥିଙ୍କ ଫଟୋ ରଖି ପୂଜାର୍ଚ୍ଚନା କରାଯାଉଛି । ଏଥିରେ ପାରାଦୀପ ଓ କେନ୍ଦ୍ରାପଡ଼ା ଅଞ୍ଚଳରୁ ଶତାଧିକ ସାରଥୀ ଅନୁଗତ ଯୋଗ ଦେଇଛନ୍ତି । ହୋମଯଜ୍ଞ, ଧ୍ୟାନ ଓ ସାମୂହିକ ପ୍ରାର୍ଥନା ଚାଲିଥିବା ବେଳେ ଶେଷରେ ଦହିହାଣ୍ଡି ଭଙ୍ଗା ହେବ ବୋଲି ସୂଚନା ମିଳିଛି ।

Published On September 7, 2023