ଟ୍ରେନ୍ ଚକା ତଳେ ଚାଲିଗଲା ମା', ଝିଅଙ୍କ ଜୀବନ, ମୃତ୍ୟୁ ସହ ସଂଘର୍ଷ କରୁଛି ପୁଅ

ଟ୍ରେନ୍ ଦୁର୍ଘଟଣାକୁ ନେଇ ସାମ୍ନାକୁ ଆସିଛି ଏକ ଦୁଃଖଦ ଘଟଣା । ଟ୍ରେନ୍ ରେ କଟି ପ୍ରାଣ ହରାଇଛନ୍ତି ମା', ଝିଅ । ଗୁରୁତର ଅବସ୍ଥାରେ ମୃତ୍ୟୁ ସହ ସଂଘର୍ଷ କରୁଛି 4 ବର୍ଷର ପୁଅ ।

ମୃତକମାନେ ଗଞ୍ଜାମ ଜିଲ୍ଲା ଜରଡା ଅଞ୍ଚଳର ବୋଲି ଜଣା ପଡ଼ିଛି । ମୃତକଙ୍କ ମଧ୍ୟରେ 25 ବର୍ଷୀୟା ମହିଳା ୟୁ. ଶ୍ରାବଣୀ ଏବଂ 8 ମାସର ଝିଅ ୟୁ. ଶ୍ରୀ ରହିଛନ୍ତି । ମୃତଦେହକୁ ପୋଲିସ ଜବତ କରିଛି । 4 ବର୍ଷର ପୁଅକୁ ଗୁରୁତର ଅବସ୍ଥାରେ ଉଦ୍ଧାର କରି ଏମକେସିଜି ଡାକ୍ତରଖାନାରେ ଭର୍ତ୍ତି କରାଯାଇଛି । ଗୁରୁତର ଅବସ୍ଥାରେ ଉଦ୍ଧାର କରାଯାଇଥିବା ପୁଅର ନାଁ ୟୁ ହର୍ଷତ ।

କିପରୁ ଟ୍ରେନରେ କଟିଗଲେ ସେ ନେଇ କୌଣସି ସ୍ପଷ୍ଟ ସୂଚନା ମିଳି ନଥିବା ବେଳେ ଗତକାଲି ରାତିରେ ଆତ୍ମହତ୍ୟା କରିବା ଉଦ୍ଦେଶ୍ୟରେ ଏମାନେ ଚଳନ୍ତା ଟ୍ରେନ ସମ୍ନାକୁ ଚାଲି ଆସିଥିବା କୁହାଯାଉଛି । ପାରିବାରିକ ବିବାଦକୁ ନେଇ ମହିଳଆ ଜଣକ ଏପରି ଚରମ ନିଷ୍ପତ୍ତି ନେଇଥିବା କୁହାଯାଉଛି । ଏପରିକି ଅନ୍ୟ କିଛି ଲୋକଙ୍କ କହିବା ଅନୁଯାୟୀ, ଶ୍ରାବଣୀ ପିଲାଙ୍କୁ ଧରି ଆସୁଥିବାବେଳେ ଟ୍ରେନ ଆସୁଛି ବୋଲି ଜାଣି ପାରି ନ ଥିଲେ । ପଲାସା ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚି ଦୁଇଜଣଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।

English summary

Daughter And Mother Died Due to Hit By train