ପରିବା ପରେ ପଡ଼ିଲା ଜିରାର ମହଙ୍ଗା ମାଡ଼, କିଲୋ ପ୍ରତି 1000 ଟଙ୍କା ପାର୍

Updated: Friday, July 7, 2023, 12:04 [IST]

ଭୁବନେଶ୍ୱର : ସାରା ଦେଶରେ ପରିବା ଦରକୁ ନେଇ ଚିନ୍ତା ବଢୁଥିବା ବେଳେ ପୁଣି ବାଜିଛି ଆଉ ଏକ ମହଙ୍ଗା ମାଡ଼ । ଟମାଟୋ କିଲୋ ପ୍ରତି 100 ରୁ 120 ପାର୍ ହେବା ସହ ଅଦା, ରସୁଣ ଆଦିର ଦର ବଢିଛି । ଏହା ପରେ ବି ମହଙ୍ଗା ମାଡ଼ରୁ ମିଳୁନି ନିସ୍ତାର । ପନିପରିବା ଦର ରୋଷେଇ ଘରେ ଦାଉ ସାଜିଥିବା ବେଳେ ଜିରା ଦର ପୁଣି ବଢିଛି ।

ବର୍ତ୍ତମାନ ଜିରା ଦର କେଜି ପ୍ରତି ହଜାରେ ଟଙ୍କା ପାର୍ ହୋଇଛି । 15 ଦିନ ତଳେ ଜିରା ଦର ଥିଲା 550 ଟଙ୍କା । ଦୁଇ ଦିନ ଆଗରୁ ଏଥିରେ ବୃଦ୍ଧି ହୋଇ 700 ହୋଇଥିଲା । ବର୍ତ୍ତମାନ ଏହା 1000 ଟଙ୍କା ପାର୍ ହୋଇଛି ।