Crop Insurance Premium : ଅଗଷ୍ଟ ୫ ସୁଦ୍ଧା କରନ୍ତୁ ଫସଲ ବୀମା ପଞ୍ଜୀକରଣ, ଏହି ସବୁ ସ୍ଥାନରେ ମିଳୁଛି ସୁବିଧା

Updated: Thursday, August 24, 2023, 14:32 [IST]

ଭୁବନେଶ୍ୱର : ରାଜ୍ୟର ଚାଷୀ ଭାଇଭଉଣୀଙ୍କୁ ଆହୁରି ସଶକ୍ତ କରିବା ସହ କୃଷି କ୍ଷେତ୍ରକୁ ସୁଦୃଢ କରିବା ନେଇ ଐତିହାସିକ ପଦକ୍ଷେପ ନେଇଛନ୍ତି ରାଜ୍ୟ ସରକାର । ଚାଷୀଙ୍କ ଫସଲ ବୀମା ଯୋଜନାର ସହାୟତା ପ୍ରଦାନ କରିବେ ଓଡ଼ିଶା ସରକାର । ଏ ନେଇ ପଞ୍ଜିକଣ ଜାରି ରହିଛି । ଏଥି ମଧ୍ୟରେ ପଞ୍ଜିକରଣର ଶେଷ ତାରିଖ ବୃଦ୍ଧି କରିଛନ୍ତି ରାଜ୍ୟ ସରକାର । ଅଗଷ୍ଟ 5 ସୁଦ୍ଧା ଚାଷୀ ମାନେ ନିଜ ଫସଲ ବୀମା ନେଇ ପଞ୍ଜିକରଣ କରିପାରିବେ ।

ଚଳିତ ବର୍ଷ ରାଜ୍ୟ ସରକାର ଚାଷୀ ପିଛା ସର୍ବାଧିକ 2 ହେକ୍ଟର ପର୍ଯ୍ୟନ୍ତ ଚାଷୀମାନଙ୍କର ଫସଲ ବୀମା ପ୍ରିମିୟମ ବହନ କରିବେ । ମାତ୍ର 1 ଟଙ୍କା ପ୍ରଦାନ କରି ଚାଷୀମାନେ ଫସଲର ବୀମା କରିପାରିବେ । ଖରିଫ ଋତୁର 8ଟି ଫସଲ ଯଥା- ଧାନ, ମକା, ଚିନାବାଦମ, ମାଣ୍ଡିଆ, କପା, ହରଡ଼, ଅଦା ଓ ହଳଦୀ ଚାଷର ବୀମା କରିପାରିବେ ଚାଷୀ । ଏହାର ପ୍ରିମିୟମ ବହନ କରିବେ ରାଜ୍ୟ ସରକାର ।

ବୀମା ପଞ୍ଜୀକରଣ ପାଇଁ ନିକଟସ୍ଥ ଜନ ସେବା କେନ୍ଦ୍ର, ବ୍ୟାଙ୍କ ଶାଖା, ବୀମା କମ୍ପାନୀ କାର୍ଯ୍ୟାଳୟ, ଅଧିକୃତ ବୀମା କମ୍ପାନୀ ଏଜେଣ୍ଟଙ୍କ ମାଧ୍ୟମରେ ତୁରନ୍ତ ଯୋଗାଯୋଗ କରନ୍ତୁ । ଅଧିକ ତଥ୍ୟ ପାଇଁ କୃଷି ସେବାର ନିଃଶୁଳ୍କ ନମ୍ବର 155333 ରେ ଫୋନ୍ କରି ପାରିବେ ।