ସମସ୍ତ ଜିଲ୍ଲାକୁ ପଠାଗଲା କୋଭିସିଲ୍ଡ ଟିକା

କରୋନା ଟିକା କୋଭିସିଲ୍ଡକୁ ବୁଧବାର ସମସ୍ତ ଜିଲ୍ଲା ମୁଖ୍ୟାଳୟକୁ ପଠାଯାଇଛି । କଡ଼ା ସୁରକ୍ଷା ମଧ୍ୟରେ ଅନ୍ୟ ସମସ୍ତ ଜିଲ୍ଲାକୁ ଏହି ଟିକା ପଠାଯାଇଛି ।

Published: Wednesday, January 13, 2021, 14:01 [IST]

ଭୁବନେଶ୍ୱର : କରୋନା ଟିକା କୋଭିସିଲ୍ଡକୁ ବୁଧବାର ସମସ୍ତ ଜିଲ୍ଲା ମୁଖ୍ୟାଳୟକୁ ପଠାଯାଇଛି । ଗତକାଲି କରୋନା ଟିକା କୋଭିସିଲ୍ଡ ଭୁବନେଶ୍ୱରରେ ପହଞ୍ଚିବା ପରେ ପୁରୀ, କଟକ ଓ ନୟାଗଡ଼ ଜିଲ୍ଲାକୁ ପଠାଯାଇଥିଲା । ଏହା ପରେ ଆଜି କଡ଼ା ସୁରକ୍ଷା ମଧ୍ୟରେ ଅନ୍ୟ ସମସ୍ତ ଜିଲ୍ଲାକୁ ଏହି ଟିକା ପଠାଯାଇଛି । ପ୍ରତ୍ୟକ ଜିଲ୍ଲାର ଆକଳନ ଅନୁସାରେ ଟୀକାକରଣ କେନ୍ଦ୍ରକୁ ପଠାଯାଇଛି। ଜିଲ୍ଲାରୁ ଆସିଥିବା ସ୍ୱତନ୍ତ୍ର ବାକ୍ସରେ ଏହି ସବୁ ଟିକାକୁ ସୁରକ୍ଷିତ ଭାବେ ପଠାଯାଇଛି ।

ସୂଚନା ଯୋଗ୍ୟ ଗତକାଲି ଭୁବନେଶ୍ୱରରେ ସ୍ୱତନ୍ତ୍ର ବିମାନ ଯୋଗେ ଟିକା ପହଞ୍ଚିବା ପରେ ଏହାକୁ ରାଜ୍ୟ ଟିକା ସଂଗ୍ରହାଳୟରେ ରଖାଯାଇଥିଲା । ଆସନ୍ତା ଜାନୁଆରୀ 16 ତାରିଖରେ ସାରା ଦେଶରେ କରୋନା ଟୀକାକରଣ ନେଇ କେନ୍ଦ୍ର ସରକାରଙ୍କ ପକ୍ଷରୁ ଯୋଜନା କରାଯାଇଥିବା ବେଳେ ରାଜ୍ୟ ସରକାର ଟୀକାକରଣର ସୁପରିଚାଳନା ପାଇଁ ସମସ୍ତ ପ୍ରକାର ପ୍ରସ୍ତୁତି କରିଥିବା ସୂଚନା ଦେଇଛନ୍ତି । ପ୍ରଥମ ପର୍ଯ୍ୟାୟରେ ସ୍ୱାସ୍ଥ୍ୟ କର୍ମୀ, ପୋଲିସ୍, ସଫେଇ କର୍ମଚୀରୀ ଭଳି ଆଗ ଧାଡ଼ିର କୋଭିଡ଼ ଯୋଦ୍ଧାମାନଙ୍କୁ ଟୀକାକରଣ କରାଯିବ ବୋଲି କେନ୍ଦ୍ର ସରକାରଙ୍କ ନିର୍ଦ୍ଦେଶ ରହିଛି । ଏନେଇ ରାଜ୍ୟ ସରକାର ଏକ ତାଲିକା ମଧ୍ୟ ପ୍ରସ୍ତୁତ କରିଛନ୍ତି ।

Published On January 13, 2021