କରମଣ୍ଡଳ ଦୁର୍ଘଟଣାରେ ପରିଚୟ ମିଳୁନଥିବା ମୃତକଙ୍କ ଦିଲ୍ଲୀରେ ହେବ DNA ଟେଷ୍ଟ

ଭୁବନେଶ୍ୱର: ବାହାନଗା ରେ କରମଣ୍ଡଳ ଦୁର୍ଘଟଣାରେ ମୃତ୍ୟୁ ହୋଇଥିବା ଲୋକଙ୍କୁ ଚିହ୍ନଟ କରି ସେମାନଙ୍କ ପରିବାକୁ ମୃତଦେହ ହସ୍ତାନ୍ତର କରିବା ପାଇଁ ପ୍ରକ୍ରିୟା ଜାରି ରହିଛି । ମୋଟ 288 ମୃତକଙ୍କ ମଧ୍ୟରୁ 205 ଜଣଙ୍କ ପରିବାରକୁ ମୃତଦେହ ହସ୍ତାନ୍ତର କରାଯାଇଛି ।

ଏହା ବ୍ୟତୀତ ପରିଚୟ ମିଳିନଥିବା କେତେକ ମୃତକଙ୍କ ଡିଏନ୍ଏ ପରୀକ୍ଷା ହେବ । ଅଚିହ୍ନା ଏବଂ ଦ୍ୱନ୍ଦ ସୃଷ୍ଟି କରୁଥିବା ମୃତଦେହର ହେବ ଡିଏନଏ ଟେଷ୍ଟ । ରିପୋର୍ଟ ଆସିବା ପରେ ପରିବାରକୁ ମୃତଦେହ ହସ୍ତାନ୍ତର କରାଯିବ ବୋଲି ଏମ୍ସ ନିର୍ଦ୍ଦେଶକ କହିଛନ୍ତି । ଏମସରେ ଚିହ୍ନଟ ହେଉଥିବା ମୃତଦେହ ସେମାନଙ୍କ ପରିବାରକୁ ହସ୍ତାନର ହୋଇଛି । ଏମସରେ ଚିହ୍ନଟ ହୋଇନଥିବା 52 ଟି ମୃତଦେହର ଡିଏନଏ ସାମ୍ପଲ ନିଆଯାଇଛି । ସେଗୁଡ଼ିକ ଆସନ୍ତାକାଲି ଦିଲ୍ଲୀ ଏମସକୁ ଟେଷ୍ଟ ପାଇଁ ପଠାଯିବ ।

ଯେଉଁଗୁଡିକ ଚିହ୍ନଟ ହେଉନାହିଁ, ସେଗୁଡିକ ଡିଏନଏ ଟେଷ୍ଟ ମାଧ୍ୟମରେ ଇଡେଣ୍ଟିଫିକେସନ ମାର୍କକୁ ଦେଖି ମୃତଦେହ ହସ୍ତାନ୍ତର ବ୍ୟବସ୍ଥା କରାଯାଉଛି ବୋଲି କହିଛନ୍ତି ଏମ୍ସ ନିର୍ଦ୍ଦେଶକ । ବିଭିନ୍ନ ହସ୍ପିଟାଲରେ ଥିବା ମୃତଦେହକୁ ଏମ୍ସକୁ ଅଣାଯିବ । ଗୋଟିଏ ଜାଗାରେ ମୃତଦେହ ରହିଲେ ମୃତକଙ୍କ ପରିବାରଙ୍କୁ ଗୋଟିଏ ଜାଗାରୁ ମିଳିପାରିବ ।

ଏନେଇ 8ଟି ରାଜ୍ୟରେ ଅଧିକ ସୂଚନା ଦେବା ପାଇଁ ପ୍ରକ୍ରିୟା ଚାଲୁରହିଛି । ଏବେବି କିଛି ଲୋକଙ୍କ ପରିଚୟ ମିଳିପାରୁନି । ଶରୀରର ଚିହ୍ନ ଅନୁସାରେ ମୃତଦେହ ଚିହ୍ନଟ କରାଯାଉଛି । ସମ୍ପୂର୍ଣ ପରିଚୟ ଦେଖି ଭେରିଫିକେସନ କରି ଶବ ହସ୍ତାନ୍ତର କରାଯାଉଛି ବୋଲି କହିଛନ୍ତି ଏମସ୍ ନିର୍ଦ୍ଦେଶକ । WHO ଆପ୍ରୁଭ ହୋଇଥିବା କଣ୍ଟେନରରେ ବଡିଗୁଡିକୁ ରଖାଯାଇଛି । ମୃତଦେହ ହସ୍ତାନ୍ତର ହୋଇନପାରିଲେ 2 ବର୍ଷ ପର୍ଯ୍ୟନ୍ତ ରଖାଯାଇପାରିବ ।

English summary

Coromandel Accident : Unidentified Bodies to Be DNA Test In Delhi