ବାହୁଡ଼ା ଯାତ୍ରୀ ବେଳେ ତ୍ରିପୁରା ଅଘଟଣରେ ଦୁଃଖ ପ୍ରକାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଭୁବନେଶ୍ୱର: ଗତକାଲି ବାହୁଡ଼ା ଯାତ୍ରା ସମୟରେ ତ୍ରିପୁରାର କୁମାରଘାଟ ଅଞ୍ଚଳରେ ହୋଇଥିବା ଅଘଟଣରେ 7 ଜଣଙ୍କ ପ୍ରାଣହାନୀରେ ଗଭୀର ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ମୁଖ୍ୟମନ୍ତ୍ରୀ କହଛନ୍ତି ଯେ ଏହି ଘଟଣା ଅତ୍ୟନ୍ତ ଦୁଃଖ ଦାୟକ । ଶୋକ ସନ୍ତପ୍ତ ପରିବାରବର୍ଗଙ୍କ ପାଇଁ ମୁଖ୍ୟମନ୍ତ୍ରୀ ସମବେଦନା ପ୍ରକାଶ କରିବା ସହିତ ଆହତ ବ୍ୟକ୍ତିମାନଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି ।
ସୂଚନା ଥାଉକି, ଗତକାଲି ମହାପ୍ରଭୁଙ୍କ ବାହୁଡା ଯାତ୍ରା ସମୟରେ ତ୍ରିପୁରାରେ ରଥରେ ବିଦ୍ୟୁତ୍ ଆଘାତ ଲାଗିବାରୁ 7 ଜଣଙ୍କ ଦେହାନ୍ତ ହୋଇଛି 18 ରୁ ଅଧିକ ଲୋକ ଆହତ ହୋଇଛନ୍ତି । ତ୍ରିପୁରାର ଉନାକୋଟି ଜିଲ୍ଲାରେ ଘଟିଛି ଏପରି ଘଟଣା ।
ଲୁହାରେ ନିର୍ମିତ ବିଶାଳ ରଥକୁ ହଜାର ହଜାର ଲୋକ ଟାଣୁଥିଲେ । ଏହି ସମୟରେ ଲୁହାରଥର କିଛି ଅଂଶ ସଡକ କଡରେ ଯାଇଥିବା ହାଇଭୋଲଟେଜ ଇଲେକ୍ଟ୍ରି ତାର ସଂସ୍ପର୍ଶରେ ଆସିଥିଲା । ଫଳରେ ରଥରେ ନିଆଁ ଲାଗିବା ସହ ରଥଟି ଚାର୍ଜ ହୋଇଯାଇଥିଲା । ଏହାଦ୍ୱାରା ଘଟଣା ସ୍ଥଳରେ 7 ଜଣଙ୍କର ମୃତ୍ୟୁ ହୋଇଥିବା ବେଳେ 18ରୁ ଅଧିକ ଭକ୍ତ ଗୁରୁତର ଆହାତ ହୋଇଥିଲେ ।
Click it and Unblock the Notifications
Sign in with Google